புதபேங்க் ஆஃப் இந்தியா முதல் காலாண்டில் ஈட்டிய தனிப்பட்ட நிகர லாபம் ரூ.561 கோடியாக இருந்தது.
இதுகுறித்து அந்த வங்கி பங்குச் சந்தையிடம் செவ்வாய்க்கிழமை தெரிவித்துள்ளதாவது: நடப்பு 2022-23-ஆம் நிதியாண்டின் ஏப்ரல் முதல் ஜூன் வரையிலான முதல் காலாண்டில் வங்கி செயல்பாட்டின் மூலமாக ஈட்டிய மொத்த வருவாய் ரூ.11,124.36 கோடியாக இருந்தது. இருப்பினும் இது, வங்கி முந்தைய 2021-22-ஆம் நிதியாண்டின் இதே காலகட்டத்தில் ஈட்டிய வருவாய் ரூ.11,641.37 கோடியுடன் ஒப்பிடும்போது குறைவானதாகும்.
வாராக் கடன் குறைந்த போதிலும், செயல்பாட்டு செலவினங்களின் அதிகரிப்பால் வங்கியின் தனிப்பட்ட நிகர லாபம் கணக்கீட்டு காலாண்டில் 7.4 சதவீதம் குறைந்து ரூ.720 கோடியிலிருந்து ரூ.561 கோடியானது.
முதல் காலாண்டில் வங்கியின் முக்கிய வட்டி வருமானம் 7 சதவீதம் அதிகரித்து ரூ.9,972.64 கோடியாகவும், அதேநேரம் இதர வருவாய் 50 சதவீதம் சரிவடைந்து ரூ.1,152 கோடியாகவும் இருந்தன.
வங்கியின் செயல்பாட்டு செலவினம் ஏப்ரல்-ஜூன் காலாண்டில் ரூ.2,715 கோடியிலிருந்து 12 சதவீதம் அதிகரித்து ரூ.3,041 கோடியை எட்டியது.
ஒட்டுமொத்த அடிப்படையில் வங்கியின் நிகர லாபம் ஜூன் காலாண்டில் 11 சதவீதம் குறைந்து ரூ.735.37 கோடியிலிருந்து ரூ.657.62 கோடியானது. அதேபோன்று, வருவாயும் ரூ.11,709.62 கோடியிலிருந்து ரூ.11,207.57 கோடியாக குறைந்தது.
ஜூன் 30 நிலவரப்படி, மொத்த வாராக் கடன் 13.51 சதவீதத்திலிருந்து 9.30 சதவீதமாகவும், நிகர அளவிலான வாராக் கடன் 3.35 சதவீதத்திலிருந்து குறைந்து 2.21 சதவீதமாகவும் ஆனதாக பேங்க் ஆஃப் இந்தியா தெரிவித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.