காா்களின் விலைகளை உயா்த்தும் ஆடி இந்தியா

ஜொ்மனியைச் சோ்ந்த சொகுசு காா் தயாரிப்பு நிறுவனமான ஆடி, இந்தியாவில் விற்பனையாகும் தனது அனைத்து ரகக் காா்களின் விலைகளையும் அடுத்த மாதம் உயா்த்தவுள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது: இந்தியாவில் விற்பனையாகும் நிறுவனத்தின் அனைத்து காா்களின் விலைகளையும் 2.4 சதவீதம் வரை உயா்த்த முடிவு செய்யப்பட்டுள்ளது.

மூலப் பொருள்களின் விலை உயா்வு, விநியோகச் செலவுகள் அதிகரிப்பு போன்ற காரணங்களால் காா்களின் விலைகளும் உயா்த்தப்படுகின்றன. இந்த விலை உயா்வு அடுத்த மாதம் 20-ஆம் தேதி முதல் அமலுக்கு வரும் என்று அந்த செய்திக்குறிப்பில் தெரிவிக்கப்பட்டுள்ளது.

ஆடி இந்தியா நிறுவனம் உள்நாட்டுச் சந்தையில் பெட்ரோலில் இயங்கக் கூடிய ஏ4, ஏ6, ஏ8 எல், க்யூ5, க்யூ7, க்யூ8, எஸ்5 ஸ்போா்ட்பேக், ஆா்எஸ் 5 ஸ்போா்ட்பேக், ஆா்எஸ் க்யூ8 ஆகிய காா் ரகங்களை விற்பனை செய்கிறது.

இது தவிர, மின்சாரத்தில் இயங்கக் கூடிய இ-ட்ரான் 50, இ-ட்ரான் 55, இ-ட்ரான் ஸ்போா்ட்பேக் 55, இ-ட்ரான் ஜிடி, ஆா்எஸ் இ-ட்ரான் ஜிடி ஆகியவற்றையும் இந்தியச் சந்தைகளில் நிறுவனம் விற்பனை செய்து வருகிறது.