ஆப்பிள் ஐபோன்களில் 5ஜி அப்டேட் எப்போது?

ஐபோன் பயனர்கள் வருகிற டிசம்பர் மாதம் 5ஜி மென்பொருள் தொழில்நுட்பத்தைப் பெறுவார்கள் என ஆப்பிள் நிறுவனம் அறிவித்துள்ளது. 

இந்தியாவில் 5ஜி சேவையை பிரதமர் நரேந்திர மோடி சமீபத்தில் தொடக்கிவைத்தார். ஜியோ, ஏர்டெல், வோடபோன் - ஐடியா நிறுவனங்கள் 5ஜி-யை ஏலத்தில் எடுத்துள்ளன. இதன்படி மெட்ரோ நகரங்களில் 5ஜி சேவை தொடங்கப்பட்டுள்ளது. 

இந்நிலையில் ஆப்பிள் நிறுவனம் தனது ஐபோன் பயனர்களுக்கு விரைவில் 5ஜி மென்பொருள் சேவையை தரவுள்ளது. 

வருகிற டிசம்பர் மாதம் ஐபோன் 14, ஐபோன் 13, ஐபோன் 12 மற்றும் ஐபோன் SE (third generation) மாடல்களைப் பயன்படுத்துபவர்கள் 5ஜி மென்பொருள் அப்டேட்டை பெறுவார்கள் என்றும் படிப்படியாக மற்ற மாடல் போன்களுக்கும் விரிவுபடுத்தப்படும் என்றும் தெரிவிக்கப்பட்டுள்ளது. 

ஏர்டெல், ஜியோ உள்ளிட்ட தொலைத்தொடர்பு நிறுவனங்கள் 5ஜி சேவைகளை முக்கிய பெருநகரங்களில் படிப்படியாக அறிமுகப்படுத்தி வருவது குறிப்பிடத்தக்கது.