ஹோண்டா இரு சக்கர வாகன விற்பனை உயா்வு

புது தில்லி: ஹோண்டா மோட்டாா்சைக்கிள் & ஸ்கூட்டா் இந்தியா நிறுவனத்தின் ஆகஸ்ட் மாத உள்நாட்டு மொத்த விற்பனை 9 சதவீதம் உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஆகஸ்ட் மாதத்தில் நிறுவனம் 4,91,678 இரு சக்கர வாகனங்களை உள்நாட்டு சில்லறை விற்பனயாளா்களுக்கு அனுப்பியது. முந்தைய 2023-ஆம் ஆண்டின் இதே மாதத்தில் இந்த எண்ணிக்கை 4,51,200-ஆக இருந்தது. அதனுடன் ஒப்பிடுகையில் தற்போது நிறுவனத்தின் உள்நாட்டு மொத்த விற்பனை 9 சதவீதம் அதிகரித்துள்ளது.

கடந்த 2023 ஆகஸ்டில் 26,390-ஆக இருந்த நிறுவனத்தின் ஏற்றுமதி, இந்த ஆண்டின் அதே மாதத்தில் 47,174-ஆக அதிகரித்துள்ளது என்று அந்த அறிக்கையில் தெரிவிக்கப்பட்டுள்ளது.