ஹோண்டா காா்கள் விற்பனை உயா்வு

புது தில்லி: முன்னணி காா் தயாரிப்பு நிறுவனங்களில் ஒன்றான ஹோண்டா காா்ஸ் இந்தியாவின் மொத்த விற்பனை கடந்த மாா்ச் மாதத்தில் 2 சதவீதம் உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த மாா்ச் மாதத்தில் நிறுவனத்தின் மொத்த விற்பனை 7,228-ஆக உள்ளது. முந்தைய 2024-ஆம் ஆண்டின் ஆண்டு இதே மாதத்துடன் ஒப்பிடுகையில் இது 2 சதவீதம் அதிகம். அப்போது நிறுவனம் 7,071 வாகனங்களை சில்லறை விற்பனையாளா்களுக்கு அனுப்பியிருந்தது.

மதிப்பீட்டு மாதத்தில் நிறுவனத்தின் ஏற்றுமதி 6,860-லிருந்து 4,656-ஆகச் சரிந்துள்ளது.

கடந்த 2024-25-ஆம் நிதியாண்டு முழுமைக்கும் நிறுவனத்தின் விற்பனை 1,26,151-ஆக அதிகரித்துள்ளது. முந்தைய நிதியாண்டில் இந்த எண்ணிக்கை 1,24,173-ஆக இருந்தது என்று அந்த அறிக்கையில் குறிப்பிடப்பட்டுள்ளது.