செய்தி மடல்
இ-பேப்பர்
புதுதில்லி: ஓலா எலக்ட்ரிக் இன்று தனது ஜென் 3 இயங்குதளத்தை அடிப்படையாகக் கொண்ட மின்சார ஸ்கூட்டர் மாடல்களை அறிமுகப்படுத்தியுள்ளது. இதன் விலை ரூ.79,999 முதல் ரூ.1,69,999 வரை வரையறுக்கப்பட்டுள்ளது.
சமீபத்திய ஜென் 3 எஸ் 1 ஸ்கூட்டர்களுடன் தனது ஜென் 2 ஸ்கூட்டர்களை தொடர்ந்து விற்பனை செய்ய உள்ளதாக நிறுவனம் தெரிவித்துள்ளது.
ஓலா ஜென் 2 ஸ்கூட்டர்களுக்கு ரூ.35,000 வரை தள்ளுபடியை நிறுவனம் அறிவித்துள்ளது. இது எஸ் 1 ப்ரோ, எஸ் 1 எக்ஸ் + அதாவது 2 கிலோவாட், 3 கிலோவாட் மற்றும் 4 கிலோவாட் மாடல்களுக்கு தலா ரூ.1,14,999, ரூ.69,999, ரூ.79,999 மற்றும் ரூ.89,999 முதல் தொடங்கும் என்று தெரிவித்துள்ளது.
இதுகுறித்து ஓலா எலக்ட்ரிக் நிறுவனத்தின் தலைவரும், நிர்வாக இயக்குநருமான பவிஷ் அகர்வால் தெரிவித்ததாவது:
எங்கள் முதல் தலைமுறை ஸ்கூட்டர், வாடிக்கையாளர்களுக்கு உண்மையிலேயே ஆர்வமுள்ள மின்சார மாடலாக அமைந்தது. இது நாட்டில் மின்சார வாகன புரட்சியைத் தொடங்கியது.
ஜென் 2 உடன், நிறுவனம் தனது ஸ்கூட்டர்களை ஸ்மார்ட்டாகவும், போர்ட்ஃபோலியோவை விரிவுபடுத்துவதன் மூலம் அணுகக்கூடியதாகவும் மாற்றியது ஓலா. இன்று ஜென் 3 உடன், இ.வி. 2 வாட் தொழில்துறையை, 'அடுத்த நிலைக்கு' கொண்டு செல்கிறோம்.
ஜென் 3-வில் ஒப்பிடமுடியாத செயல்திறன் மற்றும் நிர்ணயித்த வரையறைகளை மீண்டும் கடைபிடித்து வருகிறது ஓலா. இது தொழில்துறையை மீண்டும் மாற்றும், என்றார் அகர்வால்.
ஜென் 3 போர்ட்ஃபோலியோவில் முதன்மையாக எஸ் 1 ப்ரோ+ 5.3 கிலோ வாட் பேட்டரி விருப்பங்களில் கிடைக்கும் மாடலின் விலை ரூ.1,69,999 மற்றும் 4 கிலோ வாட் மாடலின் விலை ரூ.1,54,999 ஆகும். மேலும் 3 கிலோ வாட் மாடலின் விலை 1,34,999 ஆகும் என்ற நிலையில், 3 கிலோ வாட் மாடலின் விலை ரூ.1,14,999 ஆகும்.
எஸ் 1 எக்ஸ்+ விலை 2 கிலோ வாட்-க்கு ரூ.79,999, 3 கிலோ வாட்-க்கு ரூ.89,999 மற்றும் 4 கிலோ வாட்-க்கு ரூ.99,999, S1 எக்ஸ் + 4 கிலோ வாட் பேட்டரியுடன் கிடைக்கிறது அதன் விலை ரூ.1,07,999 ஆகும்.
ஜென் 3 தளத்தில் முதல் முறையாக இரட்டை ஏபிஎஸ் அதாவது ஆன்டி-லாக் பிரேக்கிங் சிஸ்டம் மற்றும் எலெக்ட்ரிக் வாகன ஸ்கூட்டர்களுக்கான காப்புரிமை பெற்ற பிரேக்-பை-வயர் தொழில்நுட்பத்தையும் அறிமுகப்படுத்துகிறது.
ஓலா எலக்ட்ரிக் மொபிலிட்டியின் பங்குகள் இன்றைய வர்த்தகத்தில் மும்பை பங்குச் சந்தையில் ரூ.73.39 க்கு வர்த்தகம் செய்யப்பட்டது. இது அதன் முந்தைய முடிவிலிருந்து 9.78 சதவிகிதம் அதிகரித்ததுள்ளது.
இதையும் படிக்க: இந்திய ரூபாயின் மதிப்பு 3 காசுகள் உயர்ந்து ரூ.86.59-ஆக முடிவு!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
