ஒன்பிளஸ் நோர்டு 6 விரைவில் அறிமுகம்! சிறப்பம்சங்கள் என்னென்ன?

ஒன்பிளஸ் நிறுவனத்தின் புதிய தயாரிப்பான நோர்டு 6 விரைவில் அறிமுகமாகவுள்ளது. ஒன்பிளஸ் நோர்டு 5 ஸ்மார்ட்போனின் அடுத்த தலைமுறை தயாரிப்பாக நோர்டு 6 இருக்கும் என ஒன்பிளஸ் தெரிவித்துள்ளது.

சீனாவைத் தலைமையிடமாகக் கொண்டு செயல்படும் ஒன்பிளஸ் நிறுவனம் இந்திய பயனர்களை ஈர்க்கும் வகையிலான தயாரிப்புகளை அறிமுகப்படுத்தி வருகிறது. அந்தவகையில் புதிதாக நோர்டு 6 என்ற ஸ்மார்ட்போனை விரைவில் இந்தியாவில் அறிமுகம் செய்யவுள்ளது.

சிறப்பம்சங்கள்

• ஒன்பிளஸ் நோர்டு 6 ஸ்மார்ட்போன் 1.5K அமோலிட் திரை கொண்டது.

• திரை சுமூகமாக இருக்கும் வகையில் 165Hz திறன் கொடுக்கப்பட்டுள்ளது.

• ஸ்நாப்டிராகன் 8 எலைட் சிப்செட் கொண்டது

• ஏராளமான செயலிகளை ஒரே நேரத்தில் இயக்கும் வகையில் 16GB உள் நினைவகத்துடன் 1TB நினைவகம் கொடுக்கப்பட்டுள்ளது.

• 7,800mAh பேட்டரி திறன் இருக்கும் என எதிர்பார்க்கப்படுகிறது. வேகமாக சார்ஜ் ஆகும் வகையில் 120W திறன் கொடுக்கப்பட்டுள்ளது.

கடந்த ஜூலையில் அறிமுகமான ஒன்பிளஸ் நோர்டு 5 ஸ்மார்ட்போன் 6.83 அங்கும அமோலிட் திரை கொண்டதாக இருந்தது. ஸ்நாப்டிராகன் 8எஸ் மூன்றாம் தலைமுறை சிப்செட் கொண்டது.

ஒன்பிளஸ் நோர்டு 6 அறிமுகம் குறித்து ஒன்பிளஸ் இதுவரை எந்தவொரு அதிகாரப்பூர்வ அறிவிப்பையும் வெளியிடவில்லை. ஆனால், ஒன்பிளஸ் 15 உடன் ஒன்பிளஸ் நோர்டு 6 அறிமுகமாகும் என எதிர்பார்க்கப்படுகிறது.

இதையும் படிக்க | தங்கம் விலை ரூ. 1 லட்சம் தொடும்? குறைய வாய்ப்பு உண்டா?