பகுதி - 81

மயில் விருத்த பலச்ருதிக்கான பொருளைப் பார்ப்போம்.

</p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/235549298&auto_play=false&hide_related=false&show_comments=true&show_user=true&show_reposts=false&visual=true" width="75%" /></p><p align="JUSTIFY"><br /><strong>எந்நாளும்</strong> ... நாள் தவறாமல், ஒவ்வொரு நாளும்,</p><p align="JUSTIFY"><strong>ஒரு</strong> ... ஒப்பற்ற,</p><p align="JUSTIFY"><strong>சுனையில்</strong> ... நீர் நிலையில்,</p><p align="JUSTIFY"><strong>இந்திர நீலப்போது இலங்கிய</strong> ... இந்திரநீலம் எனப்படும் நீலோற்பல<br />மலர் பூத்து விளங்குவதாகிய,</p><p align="JUSTIFY"><strong>திருத்தணிகை வாழ்</strong> ... தணிகை மலையில் வாழும், (செங்கழுநீர் மலர்வதால் திருத்தணிக்குக் கல்லார கிரி என்றும் பெயருண்டு)</p><p align="JUSTIFY"><strong>எம் பிரான்</strong> ... எமது இறைவனாகிய முருகன்,</p><p align="JUSTIFY"><strong>இமையவர்கள் தம்பிரான்</strong> ... தேவர்களுடைய தலைவன்,</p><p align="JUSTIFY"><strong>ஏறும்</strong> ... வாகனமாக ஏறும்,</p><p align="JUSTIFY"><strong>ஒரு நம்பிரான் ஆன மயிலை</strong> ... ஒப்புவமை இல்லாததும், நம்முடைய வழிபடு தெய்வதமுமான மயிலை,</p><p align="JUSTIFY"><strong>பன்னாளும் அடி பரவும்</strong> ... பல நாட்களாக துதித்துப் போற்றும்,</p><p align="JUSTIFY"><strong>அருணகிரி நாதன்</strong> ... அருணகிரிநாதனாகிய நான்,</p><p align="JUSTIFY"><strong>பகர்ந்த</strong> ... சொன்ன,</p><p align="JUSTIFY"><strong>அதிமதுர</strong> ... இனிமை நிறைந்ததும்,</p><p align="JUSTIFY"><strong>சித்ர</strong> ... வேலைப்பாடுகளுடன் கூடிய அழகுகள் நிறைந்ததும்,</p><p align="JUSTIFY"><strong>பாடல் தரும்</strong> ... பாடல்களாக விளங்குகின்ற,</p><p align="JUSTIFY"><strong>ஆசு அறு</strong> ... குற்றமற்ற,</p><p align="JUSTIFY"><strong>விருத்தம் ஒரு பத்தும்</strong> ... இந்தப் பத்து விருத்தங்களையும்,</p><p align="JUSTIFY"><strong>படிப்பவர்கள்</strong> ... பாராயணம் செய்பவர்கள்,</p><p align="JUSTIFY"><strong>ஆதி மறை நூல்</strong> ... மிகவும் பழமையான வேதங்கள்,</p><p align="JUSTIFY"><strong>மன்</strong> ... நிலை பெற்று விளங்கும்,</p><p align="JUSTIFY"><strong>நான்முகம் பெறுவர்</strong> ... பிரமனுக்குரிய நான்கு முகங்களையும் பெற்று அவனுடைய சொரூபத்தைப் பெறுவார்கள்,</p><p align="JUSTIFY"><strong>அன்னம் ஏறப் பெறுவர்</strong> ... (பிரமனுடைய வாகனமான) அன்னத்தின் மேல் ஏறிச் செல்லும் பதத்தைப் பெறுவார்கள்,</p><p align="JUSTIFY"><strong>வாணி தழுவப் பெறுவர்</strong> ... கலைமகளான சரஸ்வதியின் கடாட்சத்தைப் பெற்று அவரிடமிருந்து நீங்காதிருப்பார்கள்.  (நாவிற் சரஸ்வதி நற்றுணையாக என்று சஷ்டி கவசம் குறிப்பதைப்போல்),</p><p align="JUSTIFY"><strong>மகராலயம் பெறுவர்</strong> ... (சுறா, திமிங்கிலங்கள் போன்ற) மகரமீன்கள் வாழ்கின்ற கடலுடைய தலைவனான வருண பதவியையும் பெறுவார்கள்;<br /><br /><strong>உவணம் ஏறப் பெறுவர்</strong> ... கருட வாகனத்தில் ஏறுவார்கள்,</p><p align="JUSTIFY"><strong>வாரிச மடந்தையுடன் வாழ் அந்நாயகம் பெறுவர்</strong> ... வாரிஜமாகிய தாமரையில் வீற்றிருப்பவளான திருமகளோடு வாழும் விஷ்ணுபதத்தைப் பெறுவார்கள்,</p><p align="JUSTIFY"><strong>அயிராவதம் பெறுவர்</strong> ... தேவேந்திர பதம் பெற்று ஐராவதத்தில் உலா வருவார்கள்,<br /><br /><strong>அமுதாசனம் பெறுவர்</strong> ... அமுத அசனம்=அமுதத்தை அருந்துதல்.  (தேவேந்திர பதத்தையே பெற்றதாலே) அமுதத்தையும் பருகுவார்கள்.</p><p align="JUSTIFY"><strong>மேல் ஆயிரம் பிறை தொழுவர்</strong> ... ஆயிரம் பிறைகளைக் கண்டு, சதாபிஷேகம் செய்து கொள்வார்கள்.  (ஓராண்டில் பன்னிரண்டுக்குச் சற்று கூடுதலான மூன்றாம் பிறைகளைக் காணலாம்.  பத்தாண்டுகளுக்கு 125 பிறைகள் என்று கணக்கு.  ஆயிரம் பிறை காணும்போது எண்பது வயது பூர்த்தியாகியிருக்கும்.  ஆயிரம் பிறை தொழுதல் என்பது சதாபிஷேகத்தைக் குறிக்கும்.)</p><p align="JUSTIFY"><strong>சீர் பெறுவர் பேர் பெறுவர்</strong> ... மிகச் சிறந்த பெருமையும் புகழும்<br />அடைவார்கள்,<br /><br /><strong>அழியா வரம் பெறுவர்</strong> ... அழியாத முக்தி நிலையையும் அடைவார்கள்</p><p align="JUSTIFY">மயில் விருத்தம் இத்துடன் முற்றுப் பெறுகிறது. </p><p align="JUSTIFY">அடுத்ததாக, சேவல் விருத்தத்தைத் தொடங்குவோம்.</p>