பகுதி - 85

</p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/236898210&auto_play=false&hide_related=false&show_comments=true&show_user=true&show_reposts=false&visual=true" width="75%" /></p><p align="JUSTIFY"><br /><strong>உலகில்</strong> ... இந்த உலகத்திலே,</p><p align="JUSTIFY"><strong>அடியவர்</strong> ... முருகனுடைய அன்பர்களுக்கு,</p><p align="JUSTIFY"><strong>அனுதினமும் வரும்</strong> ... ஒவ்வொரு நாளும் ஏற்படுவதான,</p><p align="JUSTIFY"><strong>இடர் அகல</strong> ... துன்பங்கள் விலகும்படியும்;</p><p align="JUSTIFY"><strong>உரிய</strong> ... அவர்களுக்கு உரியதான,</p><p align="JUSTIFY"><strong>பரகதி</strong> ... முக்தி நிலையைக்,</p><p align="JUSTIFY"><strong>தெரியவே</strong> ... காண்பித்தும்;</p><p align="JUSTIFY"><strong>மணி உரகம் என</strong> ... (தங்களுடைய) படங்களில் மாணிக்கத்தைத் தாங்கியிருக்கும் நாகங்களைப் போல</p><p align="JUSTIFY"><strong>உழலும்</strong> ... திரிந்து (அச்சத்தைத் தருவதான),</p><p align="JUSTIFY"><strong>இருவினையும் முறைபடவும்</strong> ... நல்வினை, தீவினை ஆகிய இரண்டு வினைகளும் ஒன்றேபோல் பயன்கெட்டு அழியவும்,</p><p align="JUSTIFY">(தீவினையின் பயனை அழிப்பது என்பதைப் புரிந்து கொள்ளலாம்.  நல்வினைப் பயனையும் ஏன் அழிக்க வேண்டும் என்று கேட்கத் தோன்றலாம்.  நல்வினையும் அந்த வினைக்கேற்ப பிறவியைத் தருவதால், பிறவியே வேண்டாம் என்ற நிலையில் இரண்டு வினைகளையும் களைவதே அருள்.  இதையே</p><p align="JUSTIFY">இருள்சேர் இருவினையும் சேரா இறைவன்</p><p align="JUSTIFY">பொருள்சேர் புகழ்புரிந்தார் மாட்டு</p><p align="JUSTIFY">என்றார் வள்ளுவர்).</p><p align="JUSTIFY"><br /><strong>இருள்கள் மிடி கெட</strong> ... (ஞானமற்ற நிலையான) இருட்டும், செல்வமற்ற நி8லயான) வறுமையும் (இரண்டும் ஒன்றுபோல்) அழிந்துபடும்படியாக,</p><p align="JUSTIFY"><strong>அருளியே</strong> ... அருளை வழங்கியும்;</p><p align="JUSTIFY"><strong>கலகமிடும்</strong> ... வேதனைகளை ஏற்படுத்தும் (கலகம்: சச்சரவு; சச்சரவால் விளையும் வேதனை.  ‘கலகத்தரக்கர் பலர் எங்கள் முத்து மாரியம்மா, கருத்தினுள்ளே புகுந்துவிட்டார் எங்கள் முத்து மாரியம்மா’ — பாரதி)</p><p align="JUSTIFY"><strong>அலகை குறள்</strong> ... பேய்களும் குட்டிச்சாத்தான்களும்,</p><p align="JUSTIFY"><strong>மிகு பணிகள்</strong> ... பல பாம்புகளும்,</p><p align="JUSTIFY"><strong>வலிமையோடு</strong> ... மிகுந்த பலத்தோடு,</p><p align="JUSTIFY"><strong>கடினம் உற வரில்</strong> ... பெரிய துன்பத்தைத் தருவதற்காக வந்தால்,</p><p align="JUSTIFY"><strong>அவைகளை</strong> ... அவற்றையெல்லாம்,</p><p align="JUSTIFY"><strong>கண்ணைப் பிடுங்கி உடல் தன்னைப் பிளந்து</strong> ... கண்களைப்<br />பிடுங்கியும் உடல்களைப் பிளந்தும்,</p><p align="JUSTIFY"><strong>சிறகைக் கொட்டி நின்று ஆடும்</strong> ... தனது சிறகுகளை அடித்துக்<br />கொண்டு கூத்தாடும்</p><p align="JUSTIFY">(அப்படிக் கூத்தாடுவது எது என்று கேட்டால்)</p><p align="JUSTIFY"><strong>மலைகள் நெறு நெறு நெறு என</strong> ... எல்லா மலைகளும் நெறுநெறுவெனப் பொடிப்பொடியாகவும்,</p><p align="JUSTIFY"><strong>அலைகள் சுவறிட</strong> ... கடல், அலைகளற்றதாக வறண்டு போகவும்,</p><p align="JUSTIFY"><strong>அசுரர் மடிய</strong> ... அரக்கர்கள் இறக்கவும்,</p><p align="JUSTIFY"><strong>அயில் கடவு முருகன்</strong> ... வேலாயுதத்தைப் செலுத்தியவனான முருகன்;<br /><br /><strong>மகுட வட கிரி அலைய</strong> ... சிகரங்களை உடைய மேருமலை அலைவு படும்படி (தோற்கும்படி),</p><p align="JUSTIFY"><strong>மலையும்</strong> ... எதிர்ப்பதான,</p><p align="JUSTIFY"><strong>முலை வனிதை</strong> ... தன பாரங்களை உடையவள்;</p><p align="JUSTIFY"><strong>குறவர்</strong> <strong>இசை இனமகள்</strong>... புகழ்மிக்க வேடர் இனத்தவவேடர் குலத்துப் பெண்ணான,</p><p align="JUSTIFY"><strong>அவளுடன்</strong> ... வள்ளிப் பிராட்டியையும்,</p><p align="JUSTIFY"><strong>சிலை குலிசன் மகள்</strong> ... வில்லையும் வஜ்ராயுதத்தையும் ஏந்தியவனான இந்திரனுடை திருமகளான தேவானையையும்,</p><p align="JUSTIFY"><strong>மருவு புயன்</strong> ... அணைத்திருப்பதான (பன்னிரண்டு) தோள்களை உடையவன்,<br /><br /><strong>இலகு சரவணச் சிறுவன்</strong> ... விளங்கும் சரவணப் பொய்கையில்<br />(உதித்த) குமரன்;</p><p align="JUSTIFY"><strong>அயன் வெருவ</strong> ... பிரம தேவன் பயங்கொள்ளும்படி,</p><p align="JUSTIFY"><strong>விரகில்</strong> ... மிக்க சமர்த்தனாக,</p><p align="JUSTIFY"><strong>சிரமிசையில்</strong> ... தலையின் மேல்,</p><p align="JUSTIFY"><strong>வெகு சினமொடு அடி உதவும்</strong> ... மிகுந்த கோபத்துடன் குட்டியவன்;</p><p align="JUSTIFY"><strong>அறுமுகன்</strong> ... சண்முகப் பெருமானுடைய</p><p align="JUSTIFY"><strong>சேவல் திருத்துவசமே</strong> ... கொடியிலே (விளங்குவதான) சேவலே அது.</p><p align="JUSTIFY">உலகத்தில் தினந்தோறும் நாடிவரும் அடியவர்களுடைய துன்பங்களைப் போக்கி, அவர்களுக்கு உரிய முக்தியைக் காட்டியருளி; ரத்தினங்களைக் கொண்ட, திரிபவையான பாம்புகளைப் போன்றவையான நல்வினை தீவினை இரண்டையும் ஒன்று போல சமனப்படுத்தி; அறியாமையான இருளும், பொருள் இல்லாததால் ஏற்படும் வறுமையையும் நீக்கி; வேதனையை உண்டாக்கும் பேய்களும் குட்டிச் சாத்தான்களும் நஞ்சு நிறைந்த பாம்புகளும் வலிமையோடு கொடுமை செய்ய வந்தால் அவற்றைக் கண்ணைப் பிடுங்கியும், உடலைப் பிளந்தும், சிறகுகளைப் படபடவென அடித்துக் கொண்டு ஆடல் புரிவது (அது எது என்று கேட்டால்)</p><p align="JUSTIFY">மலைகள் பொடிப்பொடியாகப் போகவும்; கடல் வற்றிப் போகவும்; அசுரர்கள் மடிந்து ஒழியவும் வேலை விடுத்த முருகப் பெருமான்; (அவர்) மேருமலை தோற்கும்படியான தனபாரங்களை உடையவளும், குறவர்களுடைய புகழ்மிக்க கூட்டத்தில் வளர்ந்தவளுமான வள்ளிப்பிராட்டியையும்; வில்லையும் வஜ்ராயுதத்தையும் ஏந்திய இந்திரனின் திருமகளான தேவானையையும் தழுவுகின்ற பன்னிரண்டு புயங்களை உடையவர்; சரவணப் பொய்கையில் உதித்தவர்; பிரமதேவன் அஞ்சும்படியாக அவனுடைய தலையிற் குட்டியவர்—இப்படிப்பட்டவரான அறுமுகப் பெருமானுடைய கொடியில் விளங்குதான சேவலே அது.</p>