பகுதி - 87

</p><p align="JUSTIFY"> </p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/236902174&auto_play=false&hide_related=false&show_comments=true&show_user=true&show_reposts=false&visual=true" width="75%" /></p><p align="JUSTIFY"><strong>எரி அனைய</strong> ... தீயைப்போல,</p><p align="JUSTIFY"><strong>வியன்</strong> ... விரிந்து (பரவிக்கிடக்கின்ற),</p><p align="JUSTIFY"><strong>நவிரம் உள கழுது</strong> ... தலைமுடியைக் கொண்ட பேய்களையும்,</p><p align="JUSTIFY"><strong>பல பிரம்ம ராட்சதர்கள்</strong> ... பல்வேறு பிரம்ம ராட்சசர்களையும்,</p><p align="JUSTIFY"><strong>மிண்டுகள் செயும்</strong> ... (மக்களுக்கு வேதனை தரக்கூடிய) குறும்புகளைச் செய்கின்ற,<br /><br /><strong>ஏவல் பிசாசுகள்</strong> ... (மற்றவரால்) ஏவிவிடப்பட்ட பிசாசுகளையும்,</p><p align="JUSTIFY"><strong>நனி பேயில் பிசாசுகள்</strong> ... மிகவும் அதிகமான பேய்களும் பிசாசுகளையும்,<br /><br /><strong>கொலை ஈனப் பிசாசுகளையும்</strong> ... கொலை செய்யக்கூடிய இழிவான பிசாசுகளையும்;<br /><br /><strong>கரி</strong> ... கரிய, கருமையான நிறம் கொண்ட,</p><p align="JUSTIFY"><strong>முரடு</strong> ... கரடு முரடான,</p><p align="JUSTIFY"><strong>பெரிய மலை</strong> ... பெரிய மலையை(ப் போலவும்),</p><p align="JUSTIFY"><strong>பணை எனவும்</strong> ... மூங்கிலைப் (போலவும்),</p><p align="JUSTIFY"><strong>முனையின்</strong> ... முனைந்து, முயற்சி செய்து,</p><p align="JUSTIFY"><strong>உயர் ககனமுற நிமிரும்</strong> ... ஆகாசம் வரையில் உயர்ந்து நிற்கின்ற <br />நிற்கும்,<br /><br /><strong>வெங்கண் கடிகளையும்</strong> ... கொடுமையான பார்வையைக் கொண்ட பூதங்களையும்;</p><p align="JUSTIFY"><strong>மட மடென மருகி அலறிட</strong> ... மடமடவென்று (விரைவாக) சுழன்றோடித் திரியும்படியும் அலறும்படியும்,</p><p align="JUSTIFY"><strong>உகிர்தடர்ந்து கொத்துமாம்</strong> ... கால்களில் உள்ள நகங்களாலே தாக்கி, அலகாலே கொத்தும்.</p><p align="JUSTIFY">(மருகி அலறிட, மடமடென உகிர்தடத்துக் கொத்துமாம் என்று கூட்டவேண்டும்.  அவை அலற, சேவல் மடமடவெனத் தாக்கியும் கொத்தியும் செய்யும்)</p><p align="JUSTIFY">(இப்படிச் செய்வது எது என்று கேட்டால்)</p><p align="JUSTIFY"><strong>தரணி பல இடம் என</strong> ... பல மலைகளிலே வசிப்பதான,</p><p align="JUSTIFY"><strong>வன மத கரிகள்</strong> ...மதங்கொண்ட காட்டுயானைகள்,</p><p align="JUSTIFY"><strong>தறிகள்</strong> ... தூண்கள் (எல்லாமும்),</p><p align="JUSTIFY"><strong>பணி</strong> ... (இவர்களுக்கு முன்னால் நாம் எம்மட்டு என்று) பணிகின்ற<br /><br /><strong>சமணர் கிடு கிடு என</strong> ... அமணர்களின் கூட்டம் கிடு கிடுத்து நடுங்க,</p><p align="JUSTIFY">(மதயானைகள் போல மலைகளில் திரிந்த; நிர்வாணர்களானபடியால் தூண்களை ஒத்த; அவற்றின் தன்மையை விஞ்சிய சமணர்கள் அஞ்சும்படியாக)<br /><br /><strong>தண்டைகள் சிலம்புகள் கலின் கலினென</strong> ... (பாதங்களில்) தண்டையும் சிலம்பும் கனிகாலில் அணிந்துள்ள தண்டைகளும் கலீர் கலீர் என்று ஒலிக்க,</p><p align="JUSTIFY"><strong>சிறிய சரண அழகொடு நடனம் புரியும் வேள்</strong> ... தன்னுடைய இளந்திருவடிகளால் மிக அழகாக நடனம் புரிகின்ற செவ்வேளான முருகனும்;<br /><br /><strong>திரிபுரம் அது எரிய</strong> ... முப்புரங்கள் பற்றி எரியும்படியாக,</p><p align="JUSTIFY"><strong>நகை புரியும் இறையவன்</strong> ... (சிரித்துப் புரமெரித்த) புன்முறுவல் பூத்த இறையவனும்,<br /><br /><strong>மறைகள் தெரியும் அரன்</strong> ... வேதங்கள் தெரிந்துகொண்டு அறிவிப்பவனானவனுமான அரன், பரமேச்வரன்,</p><p align="JUSTIFY"><strong>உதவு குமரன்</strong> ... (தன்னுடைய மூன்றாவது கண்ணிலிருந்து வெளிப்படுத்தி) உதவிய குமாரக் கடவுள்;</p><p align="JUSTIFY"><strong>திமிர தினகர முருக</strong> ... அறியாமை இருளை நீக்குகின்ற ஞான சூரியனான முருகள்;</p><p align="JUSTIFY"><strong>சரவணபவன் குகன்</strong> ... சரவணமாகிய நாணல் பொய்கையில் உதித்தவன்; மனம் என்னும் குகையில் வீற்றிருக்கும் குகன்; இப்படிப்பட்ட அறுமுகனுடைய</p><p align="JUSTIFY"><strong>செவல் திருத்துவசமே</strong> ... கொடியில் விளங்கும் சேவலே தான் அது.</p><p align="JUSTIFY">தீயைப் போல விரிந்து பரந்த மயிரை உடைய பேய்களையும்; பலவகையான பிரம ராட்சதர்களையும்; பிறரால் ஏவப்பட்டு, வேதனை தருவதான குறும்புகளைச் செய்யும் பிசாசுகளையும்; கொலைசெய்யும் இழிவான பிசாசுகளையும்; கரடுமுரடான மலைகள், மூங்கில்கள் என்றெல்லாம் நினைத்த வடிவத்தை எடுக்கும் கரிய நிறத்தை உடைய, ஆகாயத்தை அளாவி உருவெடுத்து நிற்கும் கொடிய கண்களையுடைய பிசாசுகளையும்;</p><p align="JUSTIFY">கலக்கம் எய்தி, சுழன்றோடும்படி, தன் கால் நகங்களால் தாக்கி, அலகாலே கொத்தும்.  எது அப்படிக் கொத்துமோ என்று கேட்பீர்களனால்,</p><p align="JUSTIFY">பலமலைகளை இருப்பிடமாகக் கொண்டவர்கள்; மதங்கொண்ட யானைகளைப் போலவும் (நிர்வாணர்களாக இருப்பதால்) தூண்களைப் போலவும், (யானைகளும் தூண்களும் இவர்களுக்கு முன்னால் நாம் எம்மாத்திரம் என்று பணியக்கூடியவர்களான) சமணர்கள் கிடுகிடென்று நடுங்கும்படியாக,</p><p align="JUSTIFY">தனது இளந்திருவடிகளில் அணிந்துள்ள தண்டையும் சிலம்பும் கலீர் கலீரென்று ஒலிக்கும்படி நடனமாடுகின்ற செவ்வேள்; சிரித்தே புரம் எரித்த, மறைகளால் அறியப்பட்டு அறிவிக்கப்படும் பரமேச்வரர் அருளியவன்; சரவணம் என்ற நாணற் காட்டில் தோன்றியவன்; அடியார்களுடைய இதயமாகிய குகையில் வீற்றிருப்பவன்; சுப்பிரமணிய மூர்த்தியுடைய கொடியிலே இருப்பதான சேவலே அது.</p><p> </p>