பகுதி - 89

</p><p align="JUSTIFY"><iframe height="200" src="https://w.soundcloud.com/player/?url=https%3A//api.soundcloud.com/tracks/237058415&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="JUSTIFY"><br /><strong>கரி</strong> ... கருமையான (கரிய) நிறத்தையும்,</p><p align="JUSTIFY"><br /><strong>முரட்டடி</strong> ... முரட்டுத் தன்மையையும் (கொண்டு),</p><p align="JUSTIFY"><strong>வலை</strong> <strong>கயிறு எடுத்து</strong>... (உயிர்களை) வலை (வீசிப் பிடிப்பதான) பாசக் கயிற்றைக் கையில் எடுத்துக் கொண்டு,</p><p align="JUSTIFY"><strong>எயிறு பற்களை</strong> ... (பிறைச் சந்திரனைப் போல வளைந்த) கோரைப் பற்களையும் மற்ற பற்களையும்</p><p align="JUSTIFY"><strong>இறுக்கியு(ம்) முறைத்துக்</strong> ... நெறுநெறனக் கடித்துக் கொண்டும், முறைத்துக் கொண்டும்,</p><p align="JUSTIFY"><strong>கலகமிட்டு</strong> ... கலக்கத்தை ஏற்படுத்தும் வகையில்,</p><p align="JUSTIFY"><strong>எமன்</strong> ... யமனானவன்,</p><p align="JUSTIFY"><strong>முன்</strong> <strong>கரமுற தொடரும்</strong>.. என் முன்னே வந்து தோன்றி, என்னைக் கையால் பற்றி இழுத்துக் கொண்டு போகும்</p><p align="JUSTIFY"><strong>அக் காலத்தில்</strong> ... அந்த இறுதிக் கணத்திலே,</p><p align="JUSTIFY"><strong>வேலும் மயிலும்</strong> ... (ஞனாத்தின் வடிவாகிய) வேலைக் கையில் தாங்கியபடியும், (ஓங்காரத்தின் வடிவாகிய) மயிலில் அமர்ந்தபடி,</p><p align="JUSTIFY"><strong>குருபரக் குகனும்</strong> ... குருபரனும், அடியார்களுடைய இதய குகையிலே வசிப்பவனுமான முருகன்,</p><p align="JUSTIFY"><strong>அப்பொழுதில் நட்புடன் வர</strong> ... அந்தச் சமயத்திலே என் முன்னே கனிவோடு வரும்போது,</p><p align="JUSTIFY"><strong>குரல் ஒலித்து</strong> ...(அப்படி அவன் வருவதை, அவனுடைய மயில்வாகனத்தின் முன்னே தோன்றி அவன் வருகையைத்) தன் பெருங்கூவலாலே அறிவித்து,</p><p align="JUSTIFY"><strong>அடியர் இடரை</strong> ... அடியாருடைய துன்பங்கள் அனைத்தையும்,</p><p align="JUSTIFY"><strong>குலைத்து</strong> ... கெடுத்து,</p><p align="JUSTIFY"><strong>அலறு மூக்கில்</strong> ... பெருங்குரலாக ஒலிக்கும் தன் கூவல் வெளிப்படும் அலகினால்,<br /><br /><strong>சினப் பேய்களை</strong> ... கோபம் கொண்ட பேய்களை,</p><p align="JUSTIFY"><strong>கொத்தி</strong> ... கொத்தியும் குதறியும்,</p><p align="JUSTIFY"><strong>வட்டத்தில் முட்ட வருமாம்</strong> ... வட்டமாகச் சுற்றிச் சுற்றி வந்து அவற்றை மோதித் தகர்ப்பதுபோல முட்டுவதற்காக வரும்</p><p align="JUSTIFY">(அப்படி வருவது எது என்று கேட்டால்,)</p><p align="JUSTIFY"><strong>அரிய கொற்கையன்</strong> ... அருமை வாய்ந்த கொற்கையை ஆண்டவன் (கொற்கை: மதுரை; கொற்கையன்: பாண்டியன்; இங்கே கூன்பாண்டியன்),<br /><br /><strong>உடல் கருக</strong> ... உடலே வெந்து கருகும்படி,</p><p align="JUSTIFY"><strong>வெப்பகையை</strong> ... வெப்பு நோயாக வந்த பகையை (ஜுரத்தை)</p><p align="JUSTIFY"><strong>உற்பனம் உரைத்து</strong> ... (வெப்பு நோய் ஏற்பட்டதன்) மூலகாரணத்தை எடுத்துச் சொல்லி,</p><p align="JUSTIFY"><strong>அதம் மிகவும் ஏவும் அமணரை</strong> ... பலவிதமான கொடிய செயல்களைச் செய்யும்படி ஏவிய, தூண்டிய சமணர்களை,</p><p align="JUSTIFY"><strong>கழுவில் வைத்து</strong> ... வாதத்தில் வென்று, கழுவிலே ஏற்றி,</p><p align="JUSTIFY"><strong>மெய்ப் பொடி தரித்தவர்</strong> ... மெய்மையேயான திருநீற்றைப் பிறர் அணியுமாறு செய்தவரும்;</p><p align="JUSTIFY"><strong>அவனி மெய்த்திட</strong> ... உலகம் உண்மையைக் காணும்படிச் செய்தவரும்,<br /><br /><strong>அருளதார்</strong> (அருள் அது ஆர்)... அருள் ஆர்த்த, அருளைச் செய்தவரும்,</p><p align="JUSTIFY"><strong>சிரபுரத்து அவதரித்து</strong> ... சீர்காழியாகிய திருத்தலத்திலே அவதாரம் செய்தவரும்;<br /><br /><strong>அமுதத் தினமணி</strong> ... அமுதத்தைப் போன்ற குளுமையையும், சூரியனைப் போன்ற ஒளியையும் கொண்ட,</p><p align="JUSTIFY"><strong>சிவிகை பெற்று</strong> ... முத்துப் பல்லக்கை இறைவனிடமிருந்து பெற்றவரும்; பெற்று,</p><p align="JUSTIFY"><strong>இனிய தமிழை</strong> ...இனிமையான தமிழைக் கொண்டு (தேவாரப் பாக்களை),<br /><br /><strong>சிவன் நயப்பு உற விரித்து உரை செய்</strong> ... சிவ பெருமான்<br />விருப்பத்துடன் கேட்கும்படிப் விரிவாகப் பாடி அருளியவருமான</p><p align="JUSTIFY"><strong>விற்பனன்</strong> ... திருஞான சம்பந்தராக (அவதரித்த முருகனுடைய),</p><p align="JUSTIFY"><strong>இகல் சேவல் திருத் துவசமே</strong> ... கொடியிலே விளங்கும் வலியதாகிய சேவலே அதுவாகும்.</p><p align="JUSTIFY">கரிய நிறத்துடனும், முரட்டுத் தனத்துடனும் பாசக் கயிற்றைக் கையில் வலைபோல் ஏந்திக் கொண்டு, பற்களைக் கடித்தபடியும் சினத்துடன் முறைத்தபடியும் எமன் என் எதிரில் வந்து என்னைத் தன் கையால் பற்றி அழைத்துச் செல்லும் அந்த இறுதிக் கட்டத்திலே, குருபரனாகிய குகப்பெருமான் ஞானமாகியே வேலை ஏந்தி, ஓங்கார வடிவமாகிய (தோகை விரித்தாடும் மயில் ‘ஓ’ம் என்னும் எழுத்தின் வடிவாக இருக்கிறது) மயில்மீது ஆரோகணித்து என்முன்னே கனிவோடு வர, அவன் அப்படி வருதைத் தன் பெருங்கூவலால் அறிவித்தபடி அவனுக்கு முன்னே நடைபோட்டு வரும்.  எது அப்படி வருமென்றால்,</p><p align="JUSTIFY">அருமை நிறைந்த கூன்பாண்டியனுடைய உடலே கருகிப் போகும் அளவுக்கு ஜுரமாகிய வெப்புநோய் வருத்த, அவனுக்கு அப்படிப்பட்ட நோய் ஏற்படக் காரணம் என்ன என்பதை விளக்கிச் சொல்லி*, கெடுதலான பலசெயல்களுக்குக் காரணமாக அவற்றைத் தூண்டிவிட்ட சமணர்களோடு வாதம் செய்து அவர்களைக் கழுவில் ஏற்றியவரும்; மெய்மையே நிறைந்ததாகிய திருநீற்றைப் பலரும் அணியச் செய்தவரும்; உலகம் உண்மையை உணரும்படி அருள்பாலித்தவரும்; சீர்காழித் தலத்திலே அவதரித்தவரும்; அமுதத்தைப் போலக் குளிர்ச்சியையும், சூரியனைப் போல பிரகாசத்தையும் உடைய முத்துப் பல்லக்கை சிவபெருமான் கொடுக்க, பெற்றவரும்; இனிய தமிழால் தேவாரப் பதிகங்களைச் சிவன் விரும்பிக் கேட்குமாறு விரிவாகப் பாடியவருமான, திருஞான சம்பந்த மூர்த்தியாக அவதரித்தவனான, முருகனுடைய கொடியில் விளங்குகின்ற வலிமை நிறைந்த சேவலே அதுவாகும்.</p><p> </p>