பகுதி - 49

மற்ற கும்மி, கோலாட்டம் போன்ற எல்லாவகையான ஆட்டங்களின் போதும், (பாடுவது எதையென்றால்)

Updated On :29 அக்டோபர் 2015, 11:25 am

வேல் விருத்தத்தின் ஆறாம் பாடலுக்கான பொருளைப் பார்ப்போம்.

பதச் சேதம்	சொற் பொருள்
பந்து ஆடலில் கழங்கு ஆடலில் சுடர் ஊசல் பாடலினொடு ஆடலில் எலாம்	பந்தாடும் போதும், கழங்கு ஆடும்போதும், ஒளிபொருந்திய ஊஞ்சலில் ஆடும்போதும், (ஆடும்போது பாடப்படும்) பாடல்களிலும், நிகழ்த்தும் ஆடல்களிலும்
பழம் தெவ்வர் கட்கம் துணித்து இந்திரற்கு அரசு பாலித்த திறல் புகழ்ந்தே	தெவ்வர்: பகைவர், கட்கம்: வாள்,
சந்தம் ஆரு நாள் மலர்க் குழல் அரம்பையர்களும் சசிமங்கை அனையர்தாமும்	சந்தம்: அழகு, ஆரு, ஆர்: நிறைந்த, அரம்பையர்: தேவலோகப் பெண்கள், சசி மங்கை: சசி என்பது இந்திராணியின் பெயர். தேவலோகப் பெண்களையும், இந்திராணியையும் ஒத்த மங்கையர்,
தன்னை அன்பொடு பாடி ஆடும் ப்ரதாபமும் தலைமையும் பெற்ற வைவேல்	(இந்த ஆட்டங்களின் போது பாடும் பாடல்களிலும், நடனத்தின் போதும்) தன்னையே போற்றிப் பாடும் பெருமையையும், தலைமையையும் பெற்ற கூர்மையான வேல். ப்ரதாபம்: பெருமை. வை: கூரிய
மந்தாகிநித் தரங்கச் சடிலருக்கு அரிய மந்த்ர உபதேச நல்கும்	மந்தாகினி: கங்கை, தரங்க: அலை, சடிலர்: சடாமுடி தாங்கியவருக்கு (சிவனுக்கு), பிரணவத்தை உபதேசித்தது
வரதேசிகன் கிஞ்சுகச் சிகா அலங்கார வாரணக் கொடி உயர்த்தோன் கொந்து ஆர் மலர்க் கடம்பும் செச்சை மாலையும் குவளையும் செம் காந்தளும்	வர=சிறந்த, தேசிகன்=ஆசார்யன், குரு, கிஞ்சுகம்: சிவந்த நிறம், சிகா அலங்காரம்: முடியலங்காரம் (கொடியிலுள்ள சேவலுக்குள்ள சிவந்த கொண்டையைக் குறிக்கிறது) வாரணம்: சேவல் (யானை என்றும் பொருள், இங்கே சேவல்) கொந்து: கொத்து, கடம்பு: கடப்ப மலர், செச்சை: வெட்சிப் பூ (செச்சை என்றால் சிவப்பு, ஆடு, வெட்சி என்று பல பொருள் உண்டு) குவளை: நீலோத்பலம், செங்காந்தள்: (விரல்களைப் போன்று இதழ்களை உடைய) சிவந்த காந்தள் மலர்
கூதாள மலரும் தொடுத்து அணியும் மார்பினன் கோலத் திருக் கை வேலே.	சங்குப் பூவையும் மாலையாகத் தொடுத்து அணியும் மார்பை உடைய கோலத்தானுடைய திருக்கையில் உள்ளதான வேலே அது.