பகுதி - 53

</p><p align="JUSTIFY"><iframe height="250" src="https://w.soundcloud.com/player/?url=https%3A//api.soundcloud.com/tracks/230613143&auto_play=false&hide_related=false&show_comments=true&show_user=true&show_reposts=false&visual=true" width="75%" /></p><p align="JUSTIFY"><br /><strong>மாமுதல் தடிந்து</strong> ... மாமரத்தை வேரோடு அழித்ததும்</p><p align="JUSTIFY">(கடலுக்குள் மாமர வடிவில் பதுங்கிக் கொண்ட சூரபத்மனை ஸம்ஹரித்து)</p><p align="JUSTIFY"><strong>தண் மல்கு கிரி ஊடுபோய்</strong> ... குளிர்ச்சி நிறைந்து விளங்கும் மலைகளைத் துளைத்துச் சென்றதும்</p><p align="JUSTIFY"><strong>வலிய தானவர் மார்பிடம்</strong> ... அந்த மலைகளை இருப்பிடமாகக் கொண்ட அரக்கர்களின் வலிமையான மார்புகளைப்,</p><p align="JUSTIFY"><strong>வழி கண்டு</strong> ... பிளந்து திறந்து, வழியேற்படுத்தியதும்,</p><p align="JUSTIFY"><strong>கமலபவனத்தனை</strong> ... தாமரையைத் தன் இருப்பிடமாகக் கொண்ட பிரமனை<br /><br /><strong>சிறை இட்டு</strong> ... சிறையில் அடைத்ததும்</p><p align="JUSTIFY">(பிரணவத்தின் பொருளைச் சொல்லாத காரணத்துக்காக பிரமனைச் சிறை செய்தது)</p><p align="JUSTIFY"><strong>மகவான் தனை</strong> ... இந்திரனை</p><p align="JUSTIFY">(மகம் என்றால் வேள்வி. நூறு அஸ்வமேத யாகங்களைச் செய்தவன் இந்திரப் பதவியை அடைகிறான். எனவே மகவான்)</p><p align="JUSTIFY"><strong>சிறை விடுத்தும்</strong> ... (சூரபத்மன் அடைத்து வைத்திருந்த) சிறையிலிருந்து விடுவித்ததும்,</p><p align="JUSTIFY"><strong>ஓம இருடி தலைவர் ஆசி பெற்று</strong> ...ஹோமங்களைச் செய்யும் முனிவர் தலைவர்களுடைய (முனிபுங்கவர்களுடைய) வாழ்த்தைப் பெற்றதும்,<br /><br /><strong>உயர் வானில் உம்பர் சொல் துதி பெற்று</strong> ... உயர வானில் தேவலோகத்திலுள்ள அமரர்களால் துதிக்கப்பட்டதும்,</p><p align="JUSTIFY"><strong>நா உடைய கீரன் தனது பாடல் பெற்று</strong> ... வாக்கு வன்மை உடைய நக்கீரனுடைய பாடலைப் பெற்றதும்,</p><p align="JUSTIFY"><strong>உலகுதனில் ஒப்பில் புகழ் பெற்ற வை வேல்</strong> ... எல்லா உலகங்களிலும் தனக்கு நிகரில்லை என்னும்படி புகழ்பெற்ற கூர்மையான வேலாயுதம்</p><p align="JUSTIFY">(மாமர வடிவில் நின்ற சூரனை அழித்ததும், மலைகளையும் அரக்கர் மார்புகளையும் பிளந்ததும், பிரமனைச் சிறையடைத்ததும், இந்திரனைச் சிறைவிடுத்ததும், முனிவர்களுடைய வாழ்த்தையும், தேவர்களுடைய துதியையும் பெற்றதும், நக்கீரனால் துதிக்கப்பட்டதும், இணையில்லாத புகழையுடையதுமான கூரான வேலாயுதம் யாருடையதோ என்று கேட்டால்,)</p><p align="JUSTIFY"><strong>கலச சோம</strong> ... கலசம் போன்ற பிறைச்சந்திரனுடைய,</p><p align="JUSTIFY"><strong>பிரபா அலங்கார</strong> ... பிரபையாகிய (ஒளியாகிய) அலங்காரத்தை,</p><p align="JUSTIFY"><strong>ஜடா சூடி தர</strong> ... ஜடாமுடியில் சூடித் தரித்துள்ளவரும்,</p><p align="JUSTIFY"><strong>கால அந்த காலர்</strong> ... யமனுக்கும் மரணத்தை விளைவித்த பாதத்தை உடையவரும்,<br /><br /><strong>துங்க ரட்சக துரோண</strong> ... தூய்மை (அமைந்து) உலகத்தைப் பாதுகாக்கும் பிநாகம் என்னும் வில்லை ஏந்தியவரும்,</p><p align="JUSTIFY"><strong>கட்கம் குலிசம் சூல</strong> ... சந்திரஹாசம் என்ற வாளைக் கொண்டவரும், வஜ்ராயுதத்தையும் திரிசூலத்தையும் தாங்குபவரும்,</p><p align="JUSTIFY"><strong>துரக</strong> ... குதிரையின் உருவத்தைக் கொண்டு,</p><p align="JUSTIFY">(கடலுக்கடியில் உள்ள வடவமுகாக்கினி குதிரை முகம்போன்ற வடிவுடையது)<br /><br /><strong>கேசரம்</strong> ... சிங்கம் (போன்ற பொலிவுடன்),</p><p align="JUSTIFY"><strong>அம்பரம்</strong> ... சமுத்திரத்தை,</p><p align="JUSTIFY"><strong>சேம</strong> ... பாதுகாத்து வரும்,</p><p align="JUSTIFY"><strong>வடவா</strong> ... வடவாமுகாக்னியை,</p><p align="JUSTIFY">(கடல்நீர் அளவுக்கு மீறிப் பெருகாமல் அதைக் குடித்து வருவதான வடவமுகாக்கினி, கடல், கரையைத் தாண்டாமல் பாதுகாவலாக இருக்கிறது)</p><p align="JUSTIFY"><strong>அம்புய</strong> ... அபிஷேக நீராக,</p><p align="JUSTIFY"><strong>பரண</strong> ... கொள்பவரும்,</p><p align="JUSTIFY"><strong>சங்கு ஆபரண</strong> ... (இடதுபுறத்தில்) சங்காலான வளையல்களையும் குழையையும் அணிந்திருப்பவரும் (இவை உமையம்மையின் ஆபரணங்கள்)</p><p align="JUSTIFY"><strong>திகம்பர</strong> ... திசைகளையே ஆடையாக உடைய நக்னர் அல்லது நக்கபிரானும்,</p><p align="JUSTIFY"><strong>த்ரியம்பக</strong> ... முக்கண்ணரும் ஆகிய,</p><p align="JUSTIFY"><strong>மகா தேவ நந்தன</strong> ... சிவபெருமானின் குமாரனும்,</p><p align="JUSTIFY"><strong>கஜானன சகோதர</strong> ... யானைமுனாகிய விநாயகப் பெருமானின் சகோதரனுமாகிய,<br /><br /><strong>குகன்</strong> ... முருக மூர்த்தியின்,</p><p align="JUSTIFY"><strong>செம் பொன் திருக் கை வேலே</strong> ... அழகிய பொன் போன்ற கரத்தில்<br />தங்கும் வேலாயுதமே அது.</p><p align="JUSTIFY">மகாதேவர் சடாமுடியில் பிறைச்சந்திரனை அணிந்தவர், காலஸம்ஹார மூர்த்தியாக விளங்குபவர், பிநாகம் என்கிற வில்லையும், சந்திரஹாசம் என்கிற வாளையும், வஜ்ராயுதத்தையும், திரிசூலத்தையும் தாங்குபவர், கடல் தனது கரையைக் கடக்காத வண்ணம் அதைப் பருகிப் பாதுகாப்பதான வடவமுகாக்கினியைத் தனக்கு அபிஷேக நீராகக் (திருமஞ்சனமாகக்) கொள்பவர், சங்கு வளையல்களையும் குழையையும் தரித்த உமையை இடதுபுறத்தில் கொண்டவர், நக்கபிரான், முக்கண் மூர்த்தி — இப்படிப்பட்ட சிவபெருமானின் குமாரனும், விநாயகனின் தம்பியுமான குகப்பெருமானின் அழகிய, சிவந்த கரத்தில் இருப்பதான வேலே அது.</p><p align="JUSTIFY">நக்கீரரை மலைக்குகையில் அடைத்திருந்த சிறையிலிருந்து மீட்டதை:</p><p align="JUSTIFY">இன்னம் ஒருகால் எனதிடும்பைக் குன்றுக்கும்</p><p align="JUSTIFY">கொன்னவில்வேல் சூர்தடிந்த கொற்றவா – முன்னம்</p><p align="JUSTIFY">பனிவேய் நெடுங்குன்றம் பட்டுருவத் தொட்ட</p><p align="JUSTIFY">தனிவேலை வாங்கத் தகும்</p><p align="JUSTIFY">என்று திருமுருகாற்றுப் படையின் இறுதியில் அமைந்துள்ள பத்து வெண்பாக்களுள் ஒன்று சொல்கிறது. நக்கீரனை அடைத்திருந்த குன்றைத் தகர்த்த முருகா, என் துன்பமாகிய மலையைத் தூளடிப்பதற்காக இன்னமும் ஒருமுறை அந்த வேலை வீசுவது தகும்.</p><p align="JUSTIFY">அங்கமே சூடினாய் அனலாடினாய்</p><p align="JUSTIFY">என்று திருப்புகலூர் பதிகத்தின் இரண்டாம் பாடலில் அப்பர் பெருமான் பாடுவது, (அனல் ஆடினாய்) வடவமுகாக்கினியை தனக்கு அபிஷேகமாகக் கொள்வதைக் குறிக்கிறது என்று திருமுருக கிருபானந்த வாரியார் குறிக்கிறார்.</p>