பகுதி - 159

</p><p align="JUSTIFY"> </p><p align="JUSTIFY"><iframe height="200" src="https://w.soundcloud.com/player/?url=https%3A//api.soundcloud.com/tracks/247992030&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="JUSTIFY"> </p><p align="JUSTIFY"><strong>கரிய பெரிய எருமை கடவு</strong> ... கரிய நிறமுடைய பெரிய எருமைக் கடாவைச் செலுத்துகின்ற,</p><p align="JUSTIFY"><strong>கடிய கொடிய திரிசூலன்</strong> ... கடுமையையும் கொடுமையையும் கொண்ட திரிசூலத்தை ஏந்திய யமன்,</p><p align="JUSTIFY"><strong>கறுவி யிறுகு கயிறொடு</strong> ... சினம்கொண்டு, இறுக்குவதான பாசக் கயிற்றோடு,</p><p align="JUSTIFY"><strong>உயிர்கள் கழிய முடுகி யெழுகாலம்</strong> ... பல உயிர்கள் நீங்கும்படியாக விரைவோடு எழுந்து வருகின்ற சமயத்தில்,</p><p align="JUSTIFY"><strong>திரியு நரியு மெரியு முரிமை தெரிய</strong> ... சுடுகாட்டில் திரிகின்ற நரியும், தீயும் உரிமை பாராட்டிக்கொண்டு,</p><p align="JUSTIFY"><strong>விரவி யணுகாதே</strong> ... என்னை நெருக்கமாக அணுகி வராமல்,</p><p align="JUSTIFY"><strong>செறிவு மறிவு முறவு மனைய</strong> ... நிறைவு கொண்டதும், அறிவைத் தரக்கூடியதும், எனக்கு நெருக்கமான உறவினர்களைப் போன்றவையுமான,</p><p align="JUSTIFY"><strong>திகழு மடிகள் தரவேணும்</strong> ... விளங்குகின்ற உன்னுடைய திருவடிகளைத் தந்தருள வேண்டும்</p><p align="JUSTIFY"><strong>பரிய வரையி னரிவை</strong> ... பெரிய மலையான இமகிரியின் மகளான உமாதேவியை,</p><p align="JUSTIFY"><strong>மருவ பரம ரருளு முருகோனே</strong> ... மணந்தவனான பரமசிவன் அருளிய முருகனே!</p><p align="JUSTIFY"><strong>பழன முழவர்</strong> ... வயல்களில் உழவர்கள்,</p><p align="JUSTIFY"><strong>கொழுவி லெழுது</strong> ... ஏர்க்காலால் அழுந்த உழுகின்ற,</p><p align="JUSTIFY"><strong>பழைய பழநி யமர்வோனே</strong> ... பழம்பெரும் பழநியில் வீற்றிருப்பவனே,</p><p align="JUSTIFY"><strong>அரியு மயனும் வெருவ</strong> ... திருமாலும் பிரமனும் அஞ்சும்படியாக,</p><p align="JUSTIFY"><strong>உருவ அரிய கிரியை</strong> <strong>எறிவோனே</strong> … அரியதான கிரெளஞ்ச மலையின்மேல் உருவிச் செல்லுமாறு வேலை வீசியவனே!</p><p align="JUSTIFY"><strong>அயிலு மயிலு மறமு நிறமும்</strong> <strong>அழகு முடைய பெருமாளே</strong>... வேலையும் மயிலையும் வீரத்தையும் ஒளியையும்  அழகையும் உடைய பெருமாளே</p><p align="JUSTIFY"><strong><em>சுருக்க உரை</em></strong></p><p align="JUSTIFY"><em>மிகப்பெரிய மலையான இமகிரியின் மகளான உமாதேவியை மணந்த சிவபெருமானுடைய பாலனே!  ஏர்க்காலைக் கொண்டு வயல்களில் அழுந்த உழும் உழவர்கள் நிறைந்த பழனி மலையில் வீற்றிருப்பவனே!  திருமாலும் பிரமனும்(கூட) அஞ்சும்படியாக அரிய மலையான கிரெளஞ்ச பர்வதத்தின்மேல் வேலை வீசியவனே!</em></p><p align="JUSTIFY"><em>கரியதும் பெரியதுமான எருமையைச் செலுத்திக்கொண்டும் திரிசூலத்தை ஏந்திக்கொண்டும் யமனானவன் என் மீது பாசக்கயிற்றை வீசி இறுக்குகின்ற சமயத்தில், சுடுகாட்டில் திரியக்கூடிய நரியும் நெருப்பும் என்னை உறவு பாராட்டிக்கொண்டு நெருங்கிவிடாமல், எனக்கு அறிவையும் நிறைவையும் தரக்கூடியதும், என்னுடைய நெருங்கிய உறவினர்களைப் போன்றதுமான உன் திருவடிகளைத் தந்தருள வேண்டும்.</em></p><p> </p>