பகுதி - 243

</p><p align="justify"><iframe height="200" src="https://w.soundcloud.com/player/?url=https%3A//api.soundcloud.com/tracks/263761796&auto_play=false&hide_related=false&show_comments=true&show_user=true&show_reposts=false&visual=true" width="50%" /></p><p align="justify"><strong>நஞ்சினைப் போலுமன வஞ்சகக் கோளர்களை</strong> ... (மனத்திலே) விஷம்போன்றதான வஞ்சத்தைக் கொண்டவர்களை,</p><p align="justify"><strong>நம்புதல் தீதெனநினைந்து நாயேன்</strong> ... நம்புவது தீயது என்று நினைத்த அடியேன்,</p><p align="justify"><strong>நண்பு உகப் பாதமதில் அன்புறத் தேடி யுனை</strong> ... உன்னுடைய திருவடிகளின்மேல் நேசம் பெருக; அன்புகொண்டு உன்னைநோக்கி,</p><p align="justify"><strong>நங்களப்பா சரணமென்றுகூறல்</strong> ... எங்களுடைய அப்பனே சரணம் என்று கதறி முறையிடுகிறேனே, இது</p><p align="justify"><strong>உன்செவிக்கு ஏறலைகொல்</strong> ... உன்னுடைய (பன்னிரண்டு) காதுகளில் விழவே இல்லையோ?</p><p align="justify"><strong>பெண்கள்மெற் பார்வையைகொல்</strong> ... (அப்படி விழாதபடி நீ) உன் தேவியரான வள்ளி தேவானையரை வைத்தகண் வாங்காமல் பார்த்துக்கொண்டிருக்கிறாயோ?</p><p align="justify"><strong>உன்சொலைத் தாழ்வுசெய்து மிஞ்சுவாரார்</strong> ... உன்னுடைய உபதேசத்தை, ஆணையை அலட்சியம் செய்து—தாமதித்து—வரம்பு மீறுபவர்களும் உள்ளனரோ?</p><p align="justify"><strong>உன்றனக்கே பரமும்</strong> ... என் பாரமெல்லாம் உனக்கே!</p><p align="justify"><em>(மனிதனுக்கு உடல் ஒருபாரம் என்றால், அவனுடைய குடும்பம், அலுவல், இதர பொறுப்புகள், அற்பக் கவலைகள் எல்லாமே பாரந்தானே.  அவையாவும் உன்னுடைய பாரமாகும்.  எல்லாப் பொறுப்பும் உன்னுடையதே.)</em></p><p align="justify"><strong>என்றனக்கு ஆர்துணைவர்</strong> ... நீயில்லாவிட்டால் எனக்குத் துணையென்று யாரிருக்கிறார்கள்?</p><p align="justify"><strong>உம்பருக்கு ஆவதினின்வந்து தோணாய்</strong> ... தேவர்களுக்கு எப்படித் துணையானாயோ அப்படியே என்முன்னாலும் துணையாக வந்து தோன்றவேண்டும்.</p><p align="justify"><strong>கஞ்சனைத் தாவி முடி முன்பு குட்டு ஏய</strong> ... (எட்டித்) தாவி பிரமனை அவனுடைய முடியில் இயையும்படி—பொருந்தும்படி, அழுந்தும்படிக்—குட்டிவிட்டு,</p><p align="justify"><strong>மிகுகண்களிப்பாக விடு செங்கையோனே</strong> ... கண்களில் களிப்பு மின்ன (அவ்வாறு குட்டிய பிரமனை, ‘போகிறது’) என்று விட்டுவிட்ட சிவந்த கையை உடையவனே!</p><p align="justify"><strong>கண்கயற் பாவை குற மங்கைபொற்றோள்</strong>... கயற்கண்ணை உடைய குறப்பெண்ணான வள்ளியின் அழகிய தோளை,<strong /></p><p align="justify"><strong>தழுவு</strong> <strong>கஞ்சுகப் பான்மைபுனைபொன்செய்தோளாய்</strong> ... சட்டை தழுவுவதுபோல இறுகத் தழுவிய, பொன்போன்ற தோள்களை உடையவனே!</p><p align="justify"><strong>அஞ்சவெற்பு ஏழு கடல் மங்க</strong> ...கிரெளஞ்சம் முதலான அனைத்து மலைகளும் நடுநடுங்கும்படியும்; ஏழு கடல்களிலும் நீர் வற்றும்படியும்</p><p align="justify"><strong>நிட்டூரர்குலம் அந்தரத்து ஏறவிடு கந்தவேளே</strong> ... துட்டர்களான அசுரர்களைக் கொன்று வானத்துக்கு அனுப்பிவைத்த கந்தவேளே!</p><p align="justify"><strong>அண்டமுற் பார்புகழும் எந்தை</strong> ... அண்டகோளம் முதலிய எல்லா உலகங்களும் போற்றுகின்ற எம் தந்தையும்;</p><p align="justify"><strong>பொற்பூர்புலிசை அம்பலத் தாடுமவர் தம்பிரானே.</strong> ... அழகு பொலியும் சிதம்பரத்திலுள்ள பொன்னம்பலத்தில் ஆடுபவருமான சிவபெருமான் தந்த தம்பிரானே.</p><p align="justify">அழகிய புலியூரில் (சிதம்பரத்தில்) அம்பலத்தில் ஆடும் நடராஜர் தம்பிரானே.</p><p align="justify"><strong><em>சுருக்க உரை</em></strong></p><p align="justify"><em>பிரமன் தலைமீது தாவி, எட்டி, அழுந்தக் குட்டிச் சிவந்த கையையும், மகிழ்ந்த கண்ணையும் உடையவனே!  கயற்கண்ணியான வள்ளியை, சட்டையைப் போல இறுகத் தழுவிக்கொள்பவனே!  கிரெளஞ்சம் முதலான மலைகள் நடுங்கும்படியும்; ஏழு கடல்களும் வற்றும்படியும்; அசுரர் கூட்டம் இறந்து விண்ணை அடையும்படியும் வேலை வீசிய கந்தவேளே!  அண்டம் முதலான எல்லா உலகங்களும் போற்றுகின்றவரும்; அழகிய சிதம்பரத்தில் பொன்னம்பலத்தில் நடமிடுபவருமான சிவபெருமான் அருளிய தம்பிரானே!</em></p><p align="justify"><em>விஷம் போன்ற வஞ்சகத்தை உள்ளத்தில் கொண்டிருப்பவர்களை நம்புவது து என்பதை உணர்ந்து; உன்மீது அன்பு பெருக; ‘எங்களப்பனே! உன் திருவடியே சரணம்’ என்று இங்கே கூவிக்கொண்டிருக்கிறேனே, அது உன் காதில் விழவில்லையா?  உன் தேவியரை நீ வைத்தகண் வாங்காமல் பார்த்துக்கொண்டே நிற்பதால்தான் அப்படி என்குரல் உன் காதில் விழாமல் போனதா?  உன் உபதேசத்தை யாரால் குறைத்து மதிப்பிட்டு காலம் தாழ்த்தமுடியும்?  எனக்கு உன்னைவிட்டால் துணையென்று வேறுயார் இருக்கிறார்கள்?  தேவர்களுக்கு எப்படி உற்ற துணையாய் ஆனாயோ, அதுபோலவே என் முன்னாலும் துணையாகத் தோன்றியருள வேண்டுகிறேன்.</em></p>