பகுதி - 352

‘உன் அடிமையாகிய நான் உன்னையன்றி வேறெதையும் நம்பேன்’ என்று சொல்லும் பழநி மலைத் திருப்புகழ்.  சற்றே நீளமான சந்த அமைப்பை உடையது; ‘ததத ததததத’ என்பது போன்ற சொற்கட்டுகளும் அமைந்தது.  ஒற்று நீக்கி அடிக்கு 46 எழுத்துகள்; தொங்கல் சீரைத் தவிர்த்து மற்ற எல்லா சீர்களும் குறிலெழுத்து; சீரான இடைவெளிகளில் மெல்லொற்றும் வல்லொற்றும் மாறிமாறி வரும் அமைப்பு. 

தனன தனனதன தந்தத்த தந்ததன

      தனன தனனதன தந்தத்த தந்ததன

      தனன தனனதன தந்தத்த தந்ததன         தந்ததான

அதல விதலமுத லந்தத்த லங்களென

         அவனி யெனஅமரர் அண்டத்த கண்டமென

         அகில சலதியென எண்டிக்குள் விண்டுவென  அங்கிபாநு

      அமுத கதிர்களென அந்தித்த மந்த்ரமென

         அறையு மறையெனஅ ருந்தத்து வங்களென

         அணுவி லணுவெனநி றைந்திட்டு நின்றதொரு      சம்ப்ரதாயம்

உதய மெழஇருள்வி டிந்தக்க ணந்தனிலி

         ருதய கமலமுகி ழங்கட்ட விழ்ந்துணர்வி

         லுணரு மநுபவம னம்பெற்றி டும்படியை            வந்துநீமுன்

      உதவ இயலினியல் செஞ்சொற்ப்ர பந்தமென

         மதுர கவிகளில்ம னம்பற்றி ருந்துபுகழ்

         உரிய அடிமையுனை யன்றிப்ப்ர பஞ்சமதை    நம்புவேனோ

ததத ததததத தந்தத்த தந்ததத

         திதிதி திதிதிதிதி திந்தித்தி திந்திதிதி

         தகுகு தகுதகுகு தந்தத்த தந்தகுகு             திந்திதோதி

      சகக சககெணக தந்தத்த குங்கெணக

         டிடிடி டிடிடிடிடி டிண்டிட்டி டிண்டிடிடி

         தகக தகதகக தந்தத்த தந்தகக                என்றுதாளம்

பதலை திமிலைதுடி தம்பட்ட மும்பெருக

         அகில நிசிசரர்ந டுங்கக்கொ டுங்கழுகு

         பரிய குடர்பழுவெ லும்பைப் பிடுங்கரண       துங்ககாளி

      பவுரி யிடநரியு லம்பப்ப ருந்திறகு

         கவரி யிடஇகலை வென்றுச்சி கண்டிதனில்

         பழநி மலையின்மிசை வந்துற்ற இந்திரர்கள்   தம்பிரானே.