பகுதி - 498

இறைவனுடைய திருவடியைப் பெறக்கோரும் இந்தப் பாடல் திருச்செந்தூருக்கானது.  வல்லொற்றும் மெல்லொற்றும் மாறிமாறி வரும் குற்றெழுத்துகளால் அமைந்தது.

அடிக்கு ஒற்றொழித்து 28 எழுத்துகளைக் கொண்ட பாடல்; இதில் ஒவ்வொரு சீரிலும் ஒற்றொழித்து நான்கு நான்கு எழுத்துகளும்; கணக்கில் வராதவையான வல்லொற்று மூன்றாமெழுத்தாகவும், மெல்லொற்று 5, 7ம் எழுத்துகளாகவும் அமைந்திருப்பதைக் காணலாம்.

தனத்தந்தம் தனத்தந்தம்
      தனத்தந்தம் தனத்தந்தம்
      தனத்தந்தம் தனத்தந்தம்    -        தனதானா

குழைக்குஞ்சந் தனச்செங்குங்
         குமத்தின்சந் தநற்குன்றங்
         குலுக்கும்பைங் கொடிக்கென்றிங்  -  கியலாலே

      குழைக்குங்குண் குமிழ்க்குஞ்சென்
         றுரைக்குஞ்செங் கயற்கண்கொண்
         டழைக்கும்பண் தழைக்குஞ்சிங்  -     கியராலே

உழைக்குஞ்சங் கடத்துன்பன்
         சுகப்பண்டஞ் சுகித்துண்டுண்
         டுடற்பிண்டம் பருத்தின்றிங்   -    குழலாதே

      உதிக்குஞ்செங் கதிர்ச்சிந்தும்
         ப்ரபைக்கொன்றுஞ் சிவக்குந்தண்
         டுயர்க்குங்கிண் கிணிச்செம்பஞ்   -    சடிசேராய்

தழைக்குங்கொன் றையைச்செம்பொன்
         சடைக்கண்டங் கியைத்தங்குந்
         தரத்தஞ்செம் புயத்தொன்றும்  -      பெருமானார்

      தனிப்பங்கின் புறத்தின்செம்
         பரத்தின்பங் கயத்தின்சஞ்
         சரிக்குஞ்சங் கரிக்கென்றும்  -         பெருவாழ்வே

கழைக்குங்குஞ் சுரக்கொம்புங்
         கலைக்கொம்புங் கதித்தென்றுங்
         கயற்கண்பண் பளிக்குந்திண்   -       புயவேளே

      கறுக்குங்கொண் டலிற்பொங்குங்
         கடற்சங்கங் கொழிக்குஞ்செந்
         திலிற்கொண்டன் பினிற்றங்கும்  -    பெருமாளே.