செல்லாக் காசு; கோ.எழிலன்

ஊரை பார்த்து  உறக்கமில்லாமல்
உதியம் சரிவர கொடுக்காமல்
பாதியாய் இலாபம் ஈட்டி
பணக்காரராக வாழ எண்ணி
சேர்த்த பயனற்ற காசுகளே

இன்று
செல்லாக் காசு..!

இருப்பதை கொடுத்து வாழாமல் 
இருந்தும் மறைத்து வாழும்
மனிதர்களின் காசுகளே- இன்று செல்லாக் காசு..!

பணமே தன் உயிரென்று,
குணம் மறந்து
குப்பையாய் மாறிய -அவர்களின் மனமே ,
இன்று
செல்லாக் காசு...!

கட்டு கட்டாய் மறைத்து
காலம்  முழுமையும் சேர்த்து
சாயம் போன மனிதர்களின்
சட்டைபையிலே
நிறைந்திருக்கும்
காசுகளே

இன்று
செல்லாக் காசு..!