புதையல்:  வ. இசக்கி ராஜு

உறங்கும் அரக்கியின் உயிரினுள்
புதைந்த புதையலை எண்ணி
ஏழு கடல் ஏழு மலை
தாண்டிட தேவையில்லை

இருப்பதை கொண்டே
இன்பம் கொண்டால்
இல்லா நிலையும் புதையலே

பூதம் காத்த புதையலெல்லாம்புத்த
கத்திலே – அவை
கறுப்பாய் மாறி பதுங்கிப்
போனது பெட்டகத்திலே

வளரும் இந்தியா வளரும் இந்தியா
வளர்ந்தவளாவது எப்போது -அவள்
ஊட்டச்சத்தை உறிஞ்சே கொழுத்த
ஊழலை ஒழித்தால்
நாடே மாறிடும் புதையலாய்

கறுப்பில் கொஞ்சம்
வெள்ளையில் கொஞ்சம்
கலந்த நிறம் தான் இந்தியன் அவன்

கறுப்பாய் கொஞ்சம்
வெள்ளையாய் கொஞ்சம்
பதுக்கி வைப்பது ஒழியனும்

பொருளான புதையலை
புறந்தள்ளி
அருளான உழைப்பினை
நீ தொடர்ந்தால்
உன்னை தொடருமே புதையலும்