102. முரசதிர்ந்து எழுதரு  - பாடல் 2

பாடல் 2:

    மொய்குழலாளொடு முதுகுன்றம் மேவிய
    பை அரவம் அசைத்தீரே
    பை அரவம் அசைத்தீர் உமைப் பாடுவார்
    நைவிலர் நாடொறும் நலமே

விளக்கம்:

நைதல்=குறைதல்; மொய்த்த=நெருங்கிய, அடர்ந்த; பை அரவம்=படம் கொள்ளும் பாம்பு

பொழிப்புரை:

அடர்த்த கூந்தலை உடைய உமை அன்னையுடன் முதுகுன்றம் தலத்தில் பொருந்தி உறைகின்ற பெருமானே, படமெடுக்கும் பாம்பினை கச்சாக இடுப்பினில் இறுகக் கட்டி உமது விருப்பம் போன்று அசைப்பவரே, படமெடுக்கும் பாம்பினை அசைத்து ஆட்டும் உம்மை புகழ்ந்து பாடும் அடியார்கள் எந்த விதமான குறையும் இல்லாமல் வாழ்வார்கள்; அவர்கள் நாள்தோறும் நன்மையே அடைவார்கள்.