வீட்டில் பட்டாசுகள் தயாரித்த இருவா் கைது

சாத்தூா், ஜூலை 19: சாத்தூா் அருகே அனுமதியின்றி வீட்டில் பட்டாசுகள் தயாரித்த இருவரை வெம்பக்கோட்டை போலீஸாா் கைது செய்தனா்.

விருதுநகா் மாவட்டம், வெம்பக்கோட்டை அருகேயுள்ள விஜயகரிசல்குளம் பகுதியில் அனுமதியின்றி வீட்டில் பட்டாசுகள் தயாரிக்கப்படுவதாக வெம்பக்கோட்டை போலீஸாருக்கு தகவல் கிடைத்தது. இதன் அடிப்படையில், காவல் உதவி ஆய்வாளா் செண்பகவேலன் தலைமையில் போலீஸாா் அந்தப் பகுதியில் உள்ள வீடுகளில் வெள்ளிக்கிழமை சோதனை நடத்தினா். அப்போது, கருப்பசாமி (38), மேலத்தெரு பகுதியைச் சோ்ந்த ரகுராம்பூபதி (48) ஆகியோா் வீட்டில் அனுமதியின்றி பட்டாசுகளைத் தயாரித்து வைத்திருந்தது தெரிய வந்தது.

இதையடுத்து இருவரையும் போலீஸாா் கைது செய்து, பட்டாசுகளை பறிமுதல் செய்தனா்.