குட்கா, புகையிலைப் பொருள்கள் பறிமுதல்: ஒருவா் கைது

ராஜபாளையத்தில் அரசால் தடைசெய்யப்பட்ட 6 கிலோ குட்கா புகையிலைப் பொருள்களை போலீஸாா் வெள்ளிக்கிழமை பறிமுதல் செய்து, இளைஞரைக் கைது செய்தனா்.

விருதுநகா் மாவட்டம், ராஜபாளையம் வீரதா்மாபுரம் பகுதியில் வடக்கு காவல் நிலைய போலீஸாா் ரோந்து சென்றனா். அப்போது இரு சக்கர வாகனத்தில் சாக்குப் பையுடன் நின்று கொண்டிருந்தவரை சோதனை செய்ததில் அரசால் தடை செய்யப்பட்ட குட்கா, புகையிலைப் பொருள்களை விற்பனைக்காக வைத்திருந்தது தெரியவந்தது.

போலீஸாா் 6 கிலோ குட்கா பொருள்களை பறிமுதல் செய்து, தென்காசி மாவட்டம், சிவகிரி மலைக்கோயில் தெருவைச் சோ்ந்த பழனிச்சாமி மகன் சரவணகுமாரை (35) கைது செய்தனா்.