12 கிலோ குட்கா பறிமுதல்: 2 போ் கைது

பொன்பாடி சோதனைச்சாவடியில் நடைபெற்ற அதிரடி சோதனையில் 12 கிலோ குட்காவை பறிமுதல் செய்து, 2 பேரை போலீஸாா் கைது செய்தனா்.

ஆந்திர மாநிலத்தில் இருந்து குட்கா பொருள்கள் கடத்தப்படுவதாக திருத்தணி ஏஎஸ்பி சுபம் திமானுக்கு தகவல் கிடைத்தது. இதையடுத்து, அவரது உத்தரவின்பேரில் திருத்தணி போலீஸாா் பொன்பாடி சோதனைச்சாவடி அருகே வாகன கண்காணிப்பைத் தீவிரப்படுத்தினா்.

ஆந்திர மாநிலம் நகரியில் இருந்து திருத்தணிக்கு வந்த தனியாா் பேருந்தை நிறுத்தி, சோதனை நடத்தினா். சந்தேகத்தின் பேரில் பயணம் செய்தவா்களின் உடைமைகளைச் சோதனையிட்டபோது, காஞ்சிபுரத்தைச் சோ்ந்த பாலாஜி (47), அரக்கோணம் தாலுகா பள்ளியங்குப்பத்தைச் சோ்ந்த செல்வம் (29) ஆகியோரிடம் 12 கிலோ தடை செய்யப்பட்ட குட்கா இருப்பது கண்டறியப்பட்டது.

இதையடுத்து, குட்கா பொருள்களைப் பறிமுதல் செய்த போலீஸாா், இருவரையும் கைது செய்து விசாரணை நடத்தி வருகின்றனா்.