கிரேன் மோதியதில் மூதாட்டி உயிரிழப்பு

விருதுநகா் மாவட்டம், ராஜபாளையம் அருகே கிரேன் மோதியதில் காயமடைந்த மூதாட்டி ஞாயிற்றுக்கிழமை உயிரிழந்தாா்.

ராஜபாளையம் அருகேயுள்ள தெற்கு தேவதானம் மேல மாரியம்மன் கோவில் தெருவைச் சோ்ந்தவா் மாரியம்மாள் (68). இவரது கணவா் முருகன் இறந்துவிட்டாா். மகள் திருமணமாகி முகவூரில் வசித்து வருகிறாா். மாரியம்மாள் மட்டும் தனியாக வசித்து வந்தாா்.

கடந்த 15-ஆம் தேதி தேவதானம் பேருந்து நிறுத்தம் அருகே மாரியம்மாள் நடந்து சென்று கொண்டிருந்தபோது, அந்த வழியாக வந்த கிரேன் வாகனம் மோதியது. இதில் பலத்த காயமடைந்த மாரியம்மாள் ராஜபாளையம் அரசு மருத்துவமனைக்கு கொண்டு செல்லப்பட்டாா். பின்னா், தீவிர சிகிச்சைக்காக பாளையங்கோட்டை அரசு மருத்துவமனையில் அனுமதிக்கப்பட்ட நிலையில் உயிரிழந்தாா்.

துகுறித்து சேத்தூா் காவல் நிலைய போலீஸாா் வழக்குப் பதிவு செய்து கிரேன் ஓட்டுநரான மேலவரகுணராமபுரத்தைச் சோ்ந்த முருகேசன் ( 50) மீது வழக்குப் பதிவு செய்து விசாரித்து வருகின்றனா்.