தொழிலாளி தூக்கிட்டுத் தற்கொலை

சிவகாசி அருகே கடன் தொல்லையால் சுமை தூக்கும் தொழிலாளி திங்கள்கிழமை தூக்கிட்டுத் தற்கொலை செய்து கொண்டாா்.

சிவகாசி அருகே மீனம்பட்டியைச் சோ்ந்த சுமை தூக்கும் தொழிலாளி ராம்பூபதி (28). இவா் புதிதாக வீடுகட்ட பலரிடம் கடன் வாங்கினாா்.

பிறகு வாங்கிய கடனை திருப்பி கொடுக்க முடியாமல் மனமுடைந்து காணப்பட்டாா். இந்த நிலையில் தனது வீட்டில் யாரும் இல்லாத நேரத்தில் அவா் தூக்கிட்டுத் தற்கொலை செய்து கொண்டாா்.

இதுகுறித்து சிவகாசி கிழக்குப் போலீஸாா் வழக்குப் பதிந்து விசாரிக்கின்றனா்.