நிர்மலா சீதாராமனின் வாழ்த்து!

நடந்து முடிந்த உலகக் கோப்பை கால்பந்து போட்டியின் இறுதி ஆட்டத்தில் பிரான்சும் குரோசியாவும் மோதின..
 ராணுவ மந்திரி நிர்மலாவுக்கு ராணுவ ஒப்பந்தங்களைப் பொருத்தவரை பிரான்சின் உதவி நிச்சயம் தேவை. ஆனால் அதே சமயம் நிர்மலா இப்படி வாழ்த்து தெரிவித்தார்:
 ""சிறந்த குழு ஜெயிக்கட்டும்; குரோஷிய அணிக்கு என் வாழ்த்துகள்.'' இது சிலரின் புருவத்தை உயர வைத்தது.
 மேலும் சிலரோ, குரேஷியாவின் ஜனாதிபதி கொலிண்டா க்ராபர் கிட்டா ரோலிக். ஒருவேளை இவரையும் திருப்திப்படுத்தும் சாக்கில் வாழ்த்து தெரிவித்திருக்கலாம் என்றனர். பெண்ணுக்கு ஆதரவாக மற்றொரு பெண்மணி குரல் கொடுத்திருக்கலாம் என்பது பலருடைய வாதம்.