சிரி... சிரி... 

""எனக்கும் கல்யாணம் ஆகி 25 வருஷம் முடிஞ்சு போச்சு. இதுவரைக்கும் என் மனைவியை நான் வாயைத் திறந்து ஒரு வார்த்தை கூட திட்டினதில்லை''
""எல்லாம் என்னை மாதிரியே மனசுக்குள்ள தானாக்கும்?''

""வெறும் வயித்துலதான் ஆபரேஷன்பண்ணனும்னு சொல்றாங்களே, ஏன் டாக்டர்?''
""ஷர்ட், பனியன் எல்லாம் போட்டிருந்தா, கட் பண்ணும்போது கிழிஞ்சு போயிடாதா?''

""டாக்டர் கிட்டேயும், வக்கீல் கிட்டேயும் தான் பொய் சொல்லக் கூடாதுன்னு சொல்லுவாங்க... நீங்க என்ன அதுல தலைவரையும் சேர்த்துக்கறீங்க?''
""தலைவர்தான் டாக்டர் பட்டம் வாங்கினவர் ஆச்சே''

""டைரக்ஷன், பாடல்கள், இசை, எடிட்டிங்... இதுக்கெல்லாம் சிலைடு போட்டு காட்டினவங்க, கதை யாருன்னே போடலையே?''
""அப்படி ஒண்ணு இருந்தா போட்டிருக்க மாட்டாங்களா?''

""என்ன அந்த பிச்சைக்காரன் உங்க வீட்டுக்கு வெளியே உட்கார்ந்துருக்கான்?''
""இன்னும் சமையல் ஆகலைப்பா... அரை மணி நேரம் ஆகும்ன்னு சொன்னேன்.
அதுக்கு அவன், பரவாயில்ல தாயி... அதுவரைக்கும் இங்கே உட்கார்ந்து மொபைல் நோண்டிக்கிட்டிருக்கேன்னு சொல்லிட்டு உட்கார்ந்துருக்கான்''

""என் மனைவி, என்னோட கவுரவம்தான் முக்கியம்னு நினைக்கிறவ''
""எப்படிச் சொல்றீங்க?''
""நான் சமைக்கும்போதோ, புடவை துவைக்கும்போதோ வீட்டுக்கு யாராவது வந்துட்டா, என்னை அப்படியே வச்சிட்டு வரச் சொல்லிடுவா!''

- வி.ரேவதி, தஞ்சை.