சிரி... சிரி...

காதலி:  சுண்டலுக்கு நான்தான் தினமும் காசு கொடுக்கிறேன். ஞாபகம் இருக்கட்டும்.
காதலன்: கவலைப்படாதே! உன் கல்யாணத்துக்கு நான் மொய் எழுதும்போது, எல்லாத்தையும் சேர்த்து எழுதிடறேன்.

தீபிகா சாரதி, சென்னை 5.

தொண்டர் 1: ""மா.செ.க்கு வேண்டாதவங்க, அவரை குத்தாட்டத்துல கலந்துக்க வச்சு, அதை வீடியோ எடுத்து வைரலாக்கி அவர் பதவிக்கு ஆப்பு வெச்சிட்டாங்க!
தொண்டர் 2: அப்ப அது  "உள் குத்தாட்டம்'.

-சம்பத்குமாரி, பொன்மலை.

வாடிக்கையாளர்: என்ன அய்யா! உங்க ஓட்டல் வடையை சாப்பிட்டுவிட்டு ஓடவே முடியல்லையே?
ஓட்டல் உரிமையாளர்: ஆமை வடை ஆச்சே! மெதுவாகத்தான் ஓடுவீங்க..!

டி.மோகனதாஸ், நாகர்கோவில்

அவர்: ""கடன் வாங்கிட்டு இன்னும் தராமல் இருக்கீங்களே?''
இவர்: "சும்மா வாங்கலியே? "கடன்' தானே 
வாங்கியிருக்கேன்?''

-அ.சுஹைல் ரஹ்மான், திருச்சி

காதலன்: உனக்காக நான் காதல் கோட்டையைக் கட்டப் போறேன்!
காதலி: தயவு செய்து அத எம்பேர்ல எழுதி வெச்சிடு.. டியர்!

-ஏ.மூர்த்தி, திருவள்ளூர்

திருடன்: திருடுடறதை அடியோடு விட்டுட்டேன் சார்!
இன்ஸ்பெக்டர்: அப்டின்னா நீ இப்ப சாப்பாட்டுக்கு என்ன பண்றே?
திருடன்: திருடுவது எப்படின்னு "ஆன்லைனில்'  பாடம் நடத்துறேன்!

-ஜி.சுந்தரராஜன், திருத்தங்கல்