உணவாகவும் மருந்தாகவும் பயன்படும் பிரண்டை!

வஜ்ஜிரவல்லி, சஞ்சீவி, அஸ்திசம்கார், கிரண்டை, அரிசிணி, சதுர்தாரா என்றெல்லாம் அழைக்கப்படும் பிரண்டை படரும் கொடி வகையை சார்ந்தது. 

ஒரே சீராக அல்லாமல் பிரண்டு பிரண்டு காணப்படுவதால் பிரண்டை என்றழைக்கப்படுகிறது. இதில் ஓலைப்பிரண்டை, முப்பிரண்டை, உருட்டுப்பிரண்டை, புளிப்பு பிரண்டை, நாற்சதுரப்பிரண்டை என பல வகைகள் உண்டு.
ஆண்பிரண்டையில் கணுக்கள் பெரியதாகவும், பெண் பிரண்டையில் கணுக்கள் சற்று அருகருகே அமைந்திருக்கும்.
பிரண்டையில் கூடுதலாக உள்ள சுண்ணாம்புச்சத்து(கால்சியம்) எலும்புகளுக்கு மிகுந்த வலிமையை கொடுக்கிறது. அதனால் தான் மனித உடலிலுள்ள நீள எலும்புகளின் வடிவத்தை ஒத்துள்ள பிரண்டை எலும்புகளின் நண்பன் என்றழைக்கப்படுகிறது.
எலும்பு முறிவு ஏற்பட்ட பிறகு உண்டாகும் வலி மற்றும் வீக்கத்தை குறைக்கிறது.
சவ்வுவிலகல், குறுத்தெலும்பு தேய்மானம், மூட்டு, முழங்கால், முதுகுத்தண்டு போன்ற எலும்பு தொடர்பான அத்துனை குறைபாடுகளையும் விரைவில் குணப்படுத்தும் ஆற்றல் கொண்டது பிரண்டை.
முறிந்த எலும்புகள் ஒன்றுகூடும் செயல்களை துரிதப்படுத்துகிறது.
பிரண்டையிலிருந்து தயாரிக்கப்படும் உப்பு சித்தமருத்துவத்தில் குடல் சார்ந்த நோய்க்கு பெருமருந்தாக பயன்படுகிறது. மூளைக்கு செல்லும் நரம்புகளை பலப்படுத்துகிறது. 
நோய் எதிர்ப்பு சக்தியை கூட்டுகிறது.
பற்களின் ஆரோக்கியத்தை மேம்படுத்துகிறது.
வயிற்றுப்பொருமல் மற்றும் வாயுத்தொல்லைக்கு அருமருந்தாகிறது.
ரத்தமூலத்தை கட்டுக்குள் வைக்கிறது.
பெண்களுக்கு ஏற்படும் மாதவிடாய் மற்றும் மெனோபாஸ் காலங்களில் ஏற்படும் சூதகவலியை போக்கி நல்ல நிவாரணம் அளிக்கிறது.
இளம்பிரண்டைகளை  குழம்பு, துவையல், ரசம், வத்தல் என ஏதேனும் ஒருவகையில் சமையலில் பயன்படுத்தலாம்.