நான்-ஸ்டிக் பான் பராமரிப்பு!

நான் ஸ்டிக் பாத்திரங்களை இப்போது பலரும் விரும்பி வாங்கி பயன்படுத்துகிறார்கள். அவற்றை மிக ஜாக்கிரதையாக பராமரித்து வந்தால்தான் நீண்ட நாட்கள் உபயோகிக்க முடியும்.

மிதமான தீயில்தான் நான் - ஸ்டிக் பாத்திரங்களை பயன்படுத்த வேண்டும்.

சமைக்கும் பொருள்கள் ஏதுமின்றி நான்-ஸ்டிக் பாத்திரம் தீயின் மேல் இருக்கக் கூடாது. அப்படி அதிக நேரம் தீயிலிருந்தால் பாத்திரத்தில் பூசப்பட்ட கோட்டிங் பாழாகிவிடும்.

நான் - ஸ்டிக் பாத்திரங்களை மென்மையான துணி அல்லது ஸ்பாஞ்ச் போன்றவற்றால் துடைத்தால் போதுமானது.

நான் - ஸ்டிக் பாத்திரங்களில் சமைக்கும்போது ஸ்டீல், இரும்பு கரண்டிகளைப் பயன்படுத்தக் கூடாது. மர கரண்டிகளைத்தான் பயன்படுத்த வேண்டும்.

நான் - ஸ்டிக் பாத்திரங்களை அதற்குரியதான ஆணியில் மாட்டிப் பாதுகாக்க வேண்டும்.

இந்த செய்முறைகளை கடைப்பிடித்து வந்தால் நான்- ஸ்டிக் பாத்திரங்கள் நீண்டநாள் உழைக்கும்.