மொச்சை வெஜ் சுண்டல்

தேவையானவை:

மொச்சைக் கொட்டை -  அரை கிண்ணம்
உப்பு - தேவைக்கேற்ப
கேரட் துருவல் - 3 தேக்கரண்டி
மெலிதாக நறுக்கிய மாங்காய் துண்டுகள் - 2 தேக்கரண்டி
மெலிதாக நறுக்கிய தேங்காய் துண்டுகள் - 2 தேக்கரண்டி
வறுத்து கொரகொரப்பாகப் பொடிக்க:
எண்ணெய் - 1 தேக்கரண்டி
தனியா - 2 தேக்கரண்டி
வரமிளகாய் - 3
கடலைப் பருப்பு - 1 தேக்கரண்டி
தாளிக்க:
எண்ணெய் - 1  தேக்கரண்டி
கடுகு - 1 தேக்கரண்டி
பெருங்காயம் -  அரை தேக்கரண்டி
கறிவேப்பிலை - 1 ஈர்க்கு
நறுக்கிய மல்லித்தழை - சிறிது

செய்முறை: 

மொச்சைக் கொட்டையை 6 மணி நேரம் ஊற வைத்து உப்பு சேர்த்து குழையாமல் வேக விடவும். வாணலியில் 1 தேக்கரண்டி எண்ணெய் விட்டு வறுக்கக் கொடுத்தவற்றை வறுத்து மிக்ஸியில் கொரகொரப்பாகப் பொடிக்கவும். வாணலியில்  1 தேக்கரண்டி எண்ணெய்விட்டு தாளிக்கக் கொடுத்தவற்றைத் தாளித்து வெந்த மொச்சைக் கொட்டையைச் சேர்த்து கேரட், மாங்காய், தேங்காய் சேர்த்து பொடித்த பொடியினைத்தூவி இறக்கவும். மல்லித்தழையினைச் சேர்த்து கலந்து விடவும். மொச்சைக்கொட்டை சுண்டல் தயார்.