மிக்ஸி டிப்ஸ்...

மிக்ஸியை  ஹைவோல்டேஜில்  இருக்கும் போதுதான்  உபயோகிக்க வேண்டும். லோ வோல்டேஜில்  இயக்கக் கூடாது.

ஜாரில்  3-இல் 2 பங்கு  தானியங்களையேப் போட்டு  அரைக்க வேண்டும். அதிகமாகப் போட்டால்   மிக்ஸி பழுதாகிவிடும். கெட்டியாக மாவை அரைத்தாலும்  மிக்ஸி  கெட்டுவிடும்.

மிக்ஸி  பிளேடுகளை  எக்காரணம்  கொண்டும்  சானை பிடிக்கக் கூடாது. மிக்ஸி  பிளேடுகள்   மோட்டாரின்  வேகத்தைப் பொறுத்தே  நைசாக  அரைக்கும்.

மிக்ஸி  பிளேடுகள்  மழுங்கிவிட்டால்  கல் உப்பை  ஒரு கையளவு  எடுத்து மிக்ஸியில்  போட்டு  ஓரிரு நிமிடங்கள்  மிக்ஸியில்  ஓட்டினால்  பிளேடுகள் கூர்மையாகிவிடும்.

சூடான  பொருள்களை  மிக்ஸியில்  அரைப்பதைத் தவிர்க்கவும்.  மிக்ஸி ஓடும்போது  ஒரு கையால் மூடியை  அழுத்தமாகப்  பிடித்துக் கொள்ளவும்.

அரைக்கும் பொருள்களும்  பிளேடு  சுலபமாகக்  சுற்றக் கூடிய  அளவு தண்ணீர் விட்டு  அரைக்க வேண்டும்.  இல்லையேல்  பிளேடு  உடைந்து விடும்.  அல்லது மோட்டார்  எரிந்துவிடும்.

இட்லிக்கு  அரிசியை  ஊறவைக்கும்போது  இரவே  ஊற வைத்துவிட வேண்டும். இதனால் மிகச் சீக்கிரமாக  அரைத்து  விடலாம்.  மிக்ஸி  சூடாவதையும் தவிர்க்கலாம்.