எளிய சமையல குறிபபுகள்..

மோர்க் குழம்புக்கு மசாலா அரைக்கும்போது, தேங்காயை கொஞ்சம் குறைத்துக்கொண்டு கசகசா, கடுகு போட்டு அரைத்து கலைக்கினால் குழம்பு வாசனையோடு சுவையாக இருக்கும்.

வற்றல் குழம்பு செய்யும்போது குழம்பை இறக்கியவுடன் ஒரு டீ ஸ்பூன் வறுத்த எள் பவுடர் போட்டால் நல்லெண்ணெய் வாசனையுடன் அருமையாக இருக்கும்.

பரோட்டா அல்லது நாண் செய்ய மாவு பிசையும்போது குடிக்கிற சோடாவை தண்ணீருக்குப் பதிலாக ஊற்றி பிசைந்து பாருங்கள். பரோட்டா மிருதுவாக பஞ்சு போல மெத்து மெத்தென்று இருக்கும்.

ரசத்தை இறக்கி வைத்ததும், ஒரு துளி நெய் சேர்த்து பச்சை கொத்தமல்லியை பொடிப் பொடியாக நறுக்கிப் போடுங்கள். மணமும், ருசியும் எடுப்பாய் இருக்கும்.

துவரம் பருப்பை வேக வைக்கும்போதே தேங்காய்த் துண்டை நறுக்கிப் போடுங்கள். துவரம் பருப்பு சீக்கிரமாக வெந்துவிடும். வெண்ணெய் போல் குழைவாகவும் இருக்கும்.

சாம்பாரில் உப்பு அதிகமானால் கரண்டியை அடுப்பால் நன்றாக சூடு செய்து, சாம்பாரில் போட சூடான கரண்டி உப்பை எடுத்துவிடும்.