உங்கள் சிறுவர்மணி!

செந்தமிழ் சிறுவர்மணி - காலை

தினமணி வழங்கும் மணி!

வந்தது கிழமை சனி - நம்

வாண்டுகள் மகிழும் கனி!

சிறுவர்கள் பாடும்படி - அட

சிறுசிறு பாடல் வரி!

சிறுகதை கடிசிரிப்பு - மனம்

தித்திக்கும் கிளிப்பேச்சு!

பிஞ்சுகள் கைவண்ணம் - அடடா

பேசிடும் எழில் வண்ணம்!

செல்போன் பூதக் கதை - கண்டு

தேடிய முத்துக் கதை!

அறிஞர் சான்றோர்கள் - நல்

அரசியல் கண்டோர்கள்;

நெறியில் வாழ்ந்தோர்கள் - புதுமை

நிகழ்த்திய மாண்போர்கள்,

படக்கதை வழங்கும் மணி - சிறு

பாலர்கள் படிக்கும்மணி!

வடிவத்தில் அழகுமணி - என்றும்

உங்களின் சிறுவர்மணி!