சிறுவர் இலக்கியம்

ஆடல்! பாடல்! அபிநயங்கள்!

ஆத்திச் சூடி! விடுகதைகள்!

தேடும் இளமைப் பருவமதில்

சிறுவர் இலக்கியம் மனம் கவரும்

பாடப்பாட இசை கூடும்!

படிக்கப் படிக்கச் சுவை தேடும்!

ஆட ஆடித் தெம்போடும்!

ஆயுள் முழுதும் திறனோடும்!

சேர்ந்திசை! கும்மி! கோலாட்டம்

சிறுவர்! சிறுமியர்! நாடகங்கள்!

ஆர்வமும் தூண்டும் வியப்பூட்டும்

அனுதினம் பயிற்சி செயத் தூண்டும்!

படிக்கும் போதே பயிற்சி தரும்

பற்பல போட்டியில் பரிசு பெறும்

நடிக்கும் போதே உணர்ச்சி மிகும்

ரசிக்கும் மனதில் மகிழ்ச்சி வரும்

இவைதான் சிறுவர் இலக்கியங்கள்

எல்லா மொழிகளும் படைப்பவைகள்

அவைதாம் நமது மனம் கவரும்

அறிவை வளர்க்கும்! பயின்றிடுவோம்!