நிலைபெறும் புகழ் - பாப்பா
நீடுகொள் கல்வி!
உலைநிறை நெல் - தம்பி
உரம்மிகு அறிவு!
கலையாழ் பொன் - பாப்பா
கனஞ்சூழ் துணிவு!
தொலைக்கால ஆயுள் - தம்பி
தொய்விலாப் பெருமை!
வளம்தரும் இளமை - பாப்பா
வாழ்வொத்த நுகர்ச்சி!
உளம்மகிழ் மக்கள் - தம்பி
உய்யநல் பொருள்!
களம்நல வெற்றி - பாப்பா
களிப்புறும் நோயின்மை!
தளம்ஒளிர் ஆற்றல் - தம்பி
தரணிவாழ் நல்லூழ்!
செல்வங்கள் பதினாறும் - பாப்பா
செழித்திடப் பேறாகும்!
நன்னெறி மனம்சூழ - தம்பி
நானிலம் சீராகும்!