உடலைச் சுத்தமாய் வைத்தாலே
ஓடிப் போகும் பல நோய்கள்!
படை கொண்டு தாக்கும் கொரானாவை
விரட்டியடிக்கச் செய்வோமே!
தொட்டவர்க்கெல்லாம் பரவுமெனில்
தொடுவதை நாமும் தவிர்த்திடுவோம்!
சோப்பைப் போட்டுக் கையை அடிக்கடி
சோம்பலில்லாமல் கழுவிக்கொள்!
பட்டுக்கொண்டால் தான் உறவா?
எட்ட இருந்தே பேசிடுவாய்!
எங்கேயிருந்து வந்ததென்று
எண்ணிக் காலம் கடத்தாமல்
இங்கேயிருந்து விரட்டிடுவோம்!
இதற்கோர் முடிவு கட்டிடுவோம்!
தொற்றும் கிருமி உள்ளதென
தற்காத்துக் கொள்ளச் சொல்கின்றார்!
வெளியில் செல்ல வேண்டாமென்று
வேண்டிக் கேட்டுக் கொள்கின்றார்
வீட்டில் தங்கி இருப்போம் நாம்
விரட்டி அடிப்போம் கிருமிதனை!
எடுத்து எறிவோம் அச்சத்தை
இனி நாம் தொடுவோம் உச்சத்தை!