அங்கிள் ஆன்டெனா

கேள்வி: சூரிய கடிகாரம் என்று சொல்கிறார்களே அது எப்போது, யாரால் கண்டுபிடிக்கப்பட்டது?

பதில்: சூரிய கடிகாரம் பார்த்திருக்கிறீர்களா? மாதிரிக்கு ஒன்று அருகில் தரப்பட்டுள்ளது. இந்தக் குச்சியின் நிழல் விழும் இடத்தில் எண்கள் குறிக்கப்பட்டிருக்கும். அதை வைத்து நேரத்தைக் கண்டு கொள்வார்கள். இதுதான் சூரிய கடிகாரம்.

கி.மு. 560-இல் இது கண்டுபிடிக்கப்பட்டதாகக் கூறுப்படுகிறது. ஹெரொடட்டஸ் என்ற கிரேக்க அறிஞர், பாபிலோனிய அறிஞர்கள்தான் சூரிய கடிகாரத்தைக் கண்டுபிடித்தவர்கள் என்று கூறியிருக்கிறார். இந்த சூரிய கடிகாரத்தில் பல வகைகள் உள்ளன. வலைத்தள வசதி உங்களிடம் இருந்தால் அதில் தேடிக் கண்டுபிடித்துப் பாருங்கள்.

உலகின் மிகப் பழைமையான சூரிய கடிகாரம் அருகில் உள்ளது. இது எகிப்து பள்ளத்தாக்கில் கண்டுபிடிக்கப்பட்டது.