ரஷ்யாவில் கடும் நிலநடுக்கம்

ரஷ்யாவில் ஏற்பட்ட கடும் நிலநடுக்கம் காரணமாக சுனாமி எச்சரிக்கை விடுக்கப்பட்டது.

ரஷ்யாவின் பேரிங் தீவிலிருந்து 200 கி.மீ தொலைவில் இன்று கடும் நிலநடுக்கம் ஏற்பட்டுள்ளது. இந்த நிலநடுக்கம் பசிபிக் பெருங்கடலில் 10 கிமீ ஆழத்தில் ஏற்பட்டதாகவும், இது ரிக்டர் அளவில் 7.8ஆக பதிவானதாகவும் தெரிவிக்கப்பட்டுள்ளது. இதனையடுத்து அப்பகுதியை சுற்றியுள்ள மக்களுக்கு சுனாமி எச்சரிக்கை விடுக்கப்பட்டு பின்னர் திரும்பப் பெறப்பட்டது.

இருப்பினும், நிலநடுக்கத்தால் ஏற்பட்ட பாதிப்பு குறித்த தகவல் எதுவும் உடனடியாக வெளியிடப்படவில்லை. ரஷ்யாவைத் தொடர்ந்து அமெரிக்காவை ஒட்டியுள்ள பெருவிலும் 6.6 ரிக்டர் அளவில் நிலநடுக்கம் ஏற்பட்டிருப்பது குறிப்பிடத்தக்கது.