அமெரிக்கா: கலிஃபோர்னியாவில் மீண்டும் காட்டுத் தீ

அமெரிக்காவின் கலிஃபோர்னியோ மாகாண வடக்குப் பகுதியில் மீண்டும் காட்டுத் தீ ஏற்பட்டுள்ளது. அதையடுத்து, அந்தப் பகுதியில் வசிக்கும் ஆயிரக்கணக்கானோர் பாதுகாப்பான இடங்களுக்கு அப்புறப்படுத்தப்பட்டுள்ளனர். அண்மைக் காலமாக வடக்கு கலிஃபோர்னியா பகுதியில் அடிக்கடி காட்டுத் தீ ஏற்படுவதும், அதனால் பெரும் இழப்புகள் ஏற்படுவதும் தொடர்கதையாக உள்ளது. இந்த நிலையில், தற்போது மீண்டும் காட்டுத் தீ ஏற்பட்டுள்ளதால், பேரழிவை ஏற்படுத்தும் காட்டுத் தீ வரும் கோடைக் காலத்தில் மீண்டும் பரவலாம் என்ற கவலையை ஏற்படுத்தியுள்ளது.