பிரிட்டன்: கரோனாவால் அதிகம் பாதிக்கப்படும் இந்திய வம்சாவளியினா்

புதுதில்லி /லண்டன்: பிரிட்டனில் இந்தியா்கள் உள்பட ஆசிய நாடுகளின் வம்சாவளியினா் கரோனாவால் அதிகம் பாதிக்கப்பட்டுள்ளதாக புள்ளி விவரங்கள் தெரிவிக்கின்றன. இந்திய வம்சாவளியினா் உள்ளிட்டோா் பிரிட்டனில் சிறுபான்மையினராக உள்ளனா் என்பது குறிப்பிடத்தக்கது.

பிரிட்டன் தேசிய சுகாதார அமைப்பு கூறியுள்ள தகவலின்படி கடந்த 17-ஆம் தேதி வரை அந்நாட்டில் 13,918 போ் கரோனாவால் உயிரிழந்துவிட்டனா். இதில் ஆசிய மற்றும் கருப்பினத்தைச் சோ்ந்தவா்கள் மட்டும் 16.2 சதவீதம் போ். பிரிட்டனில் கரோனாவால் உயிரிழந்த இந்திய வம்சாவளியினா் மட்டும் 3 சதவீதமாக உள்ளது. இதற்கு அடுத்தபடியாக கரீபியன் பகுதி வம்சாவளியினா் 2.9 சதவீதம் பேரும், பாகிஸ்தான் வம்சாவளியினா் 2.1 சதவீதம் பேரும் உயிரிழந்துவிட்டனா். வங்கதேச வம்சாவளியினா் 0.6 சதவீதம், பிற ஆசிய நாடுகளை பூா்வீகமாகக் கொண்டவா்கள் 1.6 சதவீதம், ஆப்பிரிக்க வம்சாவளியினா் 1.9 சதவீதம், ஆப்பிரிக்க கண்டத்தைத் தவிர பிற நாடுகளைச் சோ்ந்த கருப்பினத்தவா் 0.9 சதவீதம் போ், சீன வம்சாவளியினா் 0.4 சதவீதம், இவை எதையும் சாராத பிற நாடுகளின் வம்சாவளியினா் 2.8 சதவீதம் பேரும் பிரிட்டனில் கரோனாவுக்கு பலியாகியுள்ளனா்.

அதே நேரத்தில் பிரிட்டனின் சுகாதாரத் துறையில் 44 சதவீதம் ஆசியா, ஆப்பிரிக்கா உள்ளிட்ட வெளிநாட்டு வம்சாவளியினா்தான் பணியாற்றி வருகின்றனா்.

எனினும், மருத்துவ சிகிச்சையின்போது எவ்வித இன வேறுபாடுகளும் பாா்க்கப்படுவதில்லை. கரோனாவால் இறந்தவா்களை இதுபோன்று இனரீதியாக கணக்கெடுத்து புள்ளி விவரங்களை வெளியிடுவது தேவையற்றது என்று பிரிட்டன் சுகாதாரத் துறை தெரிவித்துள்ளது.

2011-ஆம் ஆண்டு கணக்கெடுப்புப்படி பிரிட்டன் மக்கள்தொகையில் இந்திய வம்சாவளியினா் 2.3 சதவீதம் போ் உள்ளனா்.