உலகளவில் கரோனா பாதிப்பு 6.79 கோடி; பலி 15.50 லட்சம்

உலகம் முழுவதும் கரோனா நோய்த்தொற்று பாதிப்புக்குள்ளானவா்களின் எண்ணிக்கை 6.79 கோடியைத் தாண்டியுள்ளது. 

செவ்வாய்க்கிழமை காலை நிலவரப்படி உலகளவில் ஒட்டுமொத்தமாக 6,79,35,610 பேருக்கு கரோனா உறுதி செய்யப்பட்டுள்ளது. கரோனா பாதித்தவர்களில் இதுவரை 15,50,169 பேர் பலியாகியுள்ளனர்.

கரோனாவிலிருந்து 4.70 கோடி பேர் குணமடைந்துள்ளனர்.  சுமாா் 1,93,77,609 போ் தொடா்ந்து சிகிச்சை பெற்று வருகின்றனா். அவர்களில் 1,06,184  பேரின் நிலைமை கவலைக்கிடமாக உள்ளது.

உலகில் கரோனா தொற்றுக்கு மிக மோசமான பாதிப்புக்குள்ளான நாடாக அமெரிக்கா உள்ளது. அங்கு இதுவரை 1,53,69,046 பேர் பாதிக்கப்பட்டுள்ளனர், 2,90,443 பேர் தொற்று பாதிப்பால் உயிரிழந்துள்ளனர். 89,82,246 பேர் குணமடைந்துள்ளனர், 60,96,357 பேர் தொடர்ந்து பல்வேறு மருத்துவமனைகளில் சிகிச்சை பெற்று வருகின்றனர், அவர்களில் 26,455 பேரின் நிலைமை கவலைக்கிடமாக உள்ளது.  

இரண்டாவது இடத்தில் உள்ள இந்தியாவில்இதுவரை 97,03,908 பேர் தொற்று பாதிப்புக்கு உள்ளாகியுள்ளனர். அதே நேரத்தில் நாட்டின் இறப்பு எண்ணிக்கை 1,40,94 ஆக உள்ளது. இதுவரை 91,77,645 பேர் தொற்று பாதிப்பிலிருந்து குணமடைந்து வீடு திரும்பியுள்ளனர்.