உலகம்
நெவாடாவில் அச்சுறுத்தும் காட்டுத் தீ: மக்கள் பாதிப்பு
அமெரிக்காவின் நெவாடா மாகாணத்தில் வீசி வரும் பலத்த காற்றால் காட்டுத் தீயை அணைக்க தீயணைப்பு வீரர்கள் போராடி வருகின்றனர்.
அமெரிக்காவில் நெவாடா மாகாணத்தில் பற்றியெரியும் காட்டுத் தீயை, பலத்த காற்று காரணமாக அணைக்க முடியாமல் தீயணைப்பு வீரர்கள் போராடி வருகின்றனர்.
நெவாடா மாகாணத்தின் ரெனா பகுதி காட்டில் தீப்பற்றியெரிகிறது. மணிக்கு 80 கி.மீ. வேகத்தில் காற்று வீசுவதால் இந்தப் பகுதி மக்களை வெளியேற்ற அதிகாரிகள் நடவடிக்கை எடுத்து வருகின்றனர்.
காட்டுத் தீ பாதிப்பால் பள்ளிகள் மற்றும் மாகாண நெடுஞ்சாலைகள் தற்காலிகமாக மூடப்பட்டுள்ளன.
கலிபோர்னியாவில் தொடர்ந்து அச்சுறுத்தும் காட்டுத் தீயால் இந்தப் பகுதி மக்கள் மிகுந்த சிரமங்களுக்குள்ளாகி வருகின்றனர்.