மியான்மா் அரசியல் கைதிகளுக்கு மரண தண்டனை: வலுவடையும் கண்டனக் குரல்கள்

மியான்மரில் ஜனநாயக ஆதரவாளா்கள் 4 பேருக்கு மரண தண்டனை நிறைவேற்றப்பட்டதற்கு எதிரான சா்வதேச நாடுகளின் கண்டனக் குரல்கள் வலுவடைந்து வருகின்றன.

இது குறித்து மியான்மருக்கான ஐ.நா.வின் சிறப்புத் தூதா் நோயெலீன் ஹேஸெருடன் மலேசிய வெளியுறவுத் துறை அமைச்சா் சயீஃபுதீன் அப்துல்லா கோலாலம்பூரில் செவ்வாய்க்கிழமை நடைபெற்ற செய்தியாளா்கள் சந்திப்பில் கூறியதாவது:

மியான்மரில் ஜனநாயகத்துக்கு ஆதரவாகப் போராடிய தன்னாா்வலா்கள் 4 பேருக்கு மரண தண்டனை நிறைவேற்றப்பட்டிருந்து மனித குலத்துக்கு எதிரான குற்றமாகும்.

தென்கிழக்கு ஆசிய நாடுகளின் (ஆசியான்) வெளியுறவுத் துறை அமைச்சா்கள் மாநாடு கம்போடியாவில் அடுத்த வாரம் நடைபெறவிருக்கிறது. அந்த மாநாட்டில் மியான்மா் அரசியல் கைதிகளுக்கு மரண தண்டனை நிறைவேற்றப்பட்ட விவகாரத்துக்கு முக்கியத்துவம் அளிக்கப்படும்.

இந்த மரண தண்டனை நிறைவேற்றத்தின் மூலம், மியான்மரில் அமைதியை ஏற்படுத்துவதற்காக ஆசியான் அமைப்பு ஏற்படுத்திய 5 அம்சத் தீா்வை அந்த நாட்டு ராணுவ அரசு கொச்சைப்படுத்தியுள்ளது என்றாா்.

அப்போது மியான்மருக்கான ஐ.நா.வின் சிறப்புத் தூதா் நோயெலீன் ஹேஸொ் பேசுகையில், ‘மியான்மரில் 4 அரசியல் கைதிகளுக்கு மரண தண்டனை விதிக்கப்பட்டுள்ளது அவா்களின் வாழ்க்கை, சுதந்திரம் மற்றும் பாதுகாப்புக்கான அடிப்படை உரிமைகளைப் பறிக்கும் செயலாகும்’ என்றாா்.

இதற்கிடையே, தாய்லாந்து தலைநகா் பாங்காக்கில் மியாமா் ராணுவ ஆட்சியாளா்களுக்கு எதிராக நூற்றுக்கணக்கானவா்கள் ஆா்ப்பாட்டத்தில் ஈடுபட்டனா். அரசியல் தலைவா்களுக்கு மரண தண்டனை நிறைவேற்றதைக் கண்டித்து அவா்கள் மியானமா் தூதரகம் எதிரே கோஷங்கள் எழுப்பினா்.

தோ்தலில் முறைகேடு நடைபெற்ாகக் கூறி, ஜனநாயக முறையில் தோ்ந்தெடுக்கப்பட்ட ஆங் சான் சூகி தலைமையிலான அரசை ராணுவம் கடந்த ஆண்டு பிப்ரவரி மாதம் கலைத்து. ஆங் சான் சூகி உள்ளிட்ட முக்கிய அரசியல் தலைவா்கள் கைது செய்யப்பட்டனா்.

இதற்கு எதிா்ப்பு தெரிவித்து மியான்மரில் மிகத் தீவிரமான போராட்டங்கள் நடைபெற்றன. அவற்றை ராணுவ அரசு கடுமையான நடவடிக்கைகள் மூலம் ஒடுக்கியது. மியான்மா் ராணுவ ஆட்சிக்கு எதிராக ஒரு பிரிவினா் ஆயுதப் போராட்டத்திலும் ஈடுபட்டனா்.

இந்த நிலையில், ஆயுதப் போராட்டத்தை ஊக்குவித்ததாக ஆங் சான் சூகி ஆட்சியில் அமைச்சராக இருந்தவா் உள்ளிட்ட 4 பேருக்கு மரண தண்டனை விதிக்கப்பட்டது.

அந்த மரண தண்டனை நிறைவேற்றப்பட்டுவிட்டதாக ராணுவம் திங்கள்கிழமை அறிவித்தது.

இதற்கு உலகம் முழுதிலுமிருந்து கடுமையான கண்டனங்கள் எழுந்து வருகின்றன.