தைவானுக்கு பொருளாதாரத் தடையை அறிவித்தது சீனா!

சீனாவின் கடும் எதிா்ப்பையும் மீறி, அமெரிக்க நாடாளுமன்ற கீழவைத் தலைவா் நான்சி பெலோசியை வரவேற்றுள்ள தைவானின் பல்வேறு நிறுவனங்களுக்கு எதிராக பொருளாதாரத் தடை மற்றும் இறக்குமதிக்கான தடையை சீனா அறிவித்துள்ளது.  

சீனாவின் கடும் எதிா்ப்பையும் மீறி, சா்ச்சைக்குரிய தைவான் தீவுக்கு அமெரிக்க நாடாளுமன்ற கீழவைத் தலைவா் நான்சி பெலோசி செவ்வாய்க்கிழமை மாலை வந்திறங்கினாா்.

தைபேயில் பெலோசி இறங்கிய சிறிது நேரத்திலேயே, தைவானின் ஜனநாயகத்தை ஆதரிப்பதில் தனது நாட்டின் உறுதியான உறுதிப்பாட்டை மீண்டும் உறுதிப்படுத்தினார், மேலும் இந்த பயணம் சுயராஜ்ய தீவில் நீண்டகால அமெரிக்காவின் கொள்கைக்கு எந்த வகையிலும் முரணாக இல்லை என்று கூறினார்.

இதையும் படிக்க | தைவான் வந்தாா் நான்சி பெலோசி: 20 போா் விமானங்களை பறக்கவிட்டு சீனா எதிா்ப்பு

மேலும், ‘தைவானின் துடிப்பான ஜனநாயகத்துக்கு அமெரிக்கா ஆதரவு அளிப்பதை உறுதிப்படுத்தவே இந்தப் பயணம் அமைந்துள்ளது’ என்றாா்.

பெலோசிக்கு தைவான் அரசு உற்சாக வரவேற்பு அளித்துள்ளது. அதிபர் மாளிகைக்குச் சென்ற பெலோசியை மிகுந்த மகிழ்ச்சியுடன் வரவேற்ற தைவான் அதிபர் சாய் இங்வென், அவருக்கு நினைவுப் பரிசுகைளை வழங்கினார். 

பின்னர், தைவானின் மிக முக்கிய நண்பர்களில் ஒருவர் பெலோசி என்றும், தைவானுக்கு அசைக்க முடியாத ஆதரவை அளித்துள்ள அவருக்கு நன்றி தெரிவிப்பதாக சாய் இங்வென் கூறினார்.

தைவானின் எதிர்க்கட்சியான கேஎம்டி கட்சியும், பெலோசியின் வருகைக்கு வரவேற்பு அளித்துள்ளது.

அமெரிக்காவின் துரோகத்தால் தைவானின் தேச நம்பகத்தன்மை திவால் நிலைக்கு சென்றுள்ளது. இந்த விவகாரத்தில் சில அமெரிக்க அரசியல்வாதிகள் நெருப்புடன் விளையாடுகிறாா்கள். இதன் மூலம் அமைதியை நாசம் செய்யும் அமெரிக்காவின் முகம் மீண்டும் வெளிப்பட்டுள்ளது.

உள்நாட்டு போரால் 1949-இல் சீனாவில் இருந்து தைவான் தனியாக பிரிந்தது. எனினும், சீன அரசின் கட்டுப்பாட்டில் தைவான் தனிநாடாக செயல்பட்டு வந்தாலும், அந்நாட்டுடன் அமெரிக்கா அதிகாரபூா்வமற்ற உறவை வைத்து ராணுவ உதவிகளை வழங்கி வருகிறது.

இதையும் படிக்க | சீன கப்பல் விவகாரத்துக்கு நட்புணா்வுடன் தீா்வு

தைவான் சீனாவின் பிரதேசத்தில் பிரிக்க முடியாத பகுதி என்றும், சீனா முழுவதையும் பிரதிநிதித்துவப்படுத்தும் ஒரே சட்டபூர்வமான அரசாங்கம் சீன மக்கள் குடியரசின் அரசாங்கம் என்றும் சீனா மீண்டும் வலியுறுத்தியது, மேலும் நான்சி பெலோசி, சீனாவின் வலுவான எதிர்ப்பையும், ஆணித்தரமான பிரதிநிதித்துவத்தையும் புறக்கணித்து, தைவான் சென்றுள்ளார். இதற்கான அனைத்து விளைவுகளையும் வாஷிங்டன் ஏற்கும். சீனா-அமெரிக்க உறவுகளில் அழிவுகரமான தாக்கத்தை ஏற்படுத்தும் என அமெரிக்காவை கடுமையாக எச்சரித்த சீனா, தற்போது தைவான் மீது நடவடிக்கை எடுத்துள்ளது. 

தைவானின் பல்வேறு நிறுவனங்களுக்கு எதிராக பொருளாதாரத் தடைகளை தற்காலிகமாக விதித்துள்ள சீனா, அந்நிறுவனங்களின் பொருள்களை இறக்குமதி செய்வதற்கு தடை விதித்துள்ளது.

பட்டாசுகள், நூடுல்ஸ், வேகவைத்த பொருள்கள் மற்றும் இனிப்புகளை உற்பத்தி செய்யும் 35 நிறுவனங்களின் 107 பதிவு செய்யப்பட்ட தைவானிய உணவு நிறுவனங்களின் தயாரிப்புப் பொருள்களுக்கு பொருளாதார தடைகள் மற்றும் இறக்குமதிக்கு புதன்கிழமை தற்காலிகமாக தடை விதித்துள்ளது சீனா. மேலும், இயற்கை மணல் ஏற்றுமதியை நிறுத்துவதாக  அறிவித்துள்ளது.

இதனை தைவானின் விவசாய கூட்டமைப்பு உறுதிப்படுத்தியுள்ளது.

தடை செய்யப்பட்டுள்ள நிறுவனங்களில் தேயிலை இலைகள், உலர் பழங்கள், தேன், கொக்கோ பீன்ஸ் மற்றும் காய்கறிகள் உற்பத்தியாளர்களும், சுமார் 700 மீன்பிடி கப்பல்களில் இருந்து மீன் பிடிபடுபவர்களும் அடங்குவர் என விவசாய கூட்டமைப்பு உறுதிப்படுத்தியுள்ளது.

எவ்வாறாயினும், பல தைவானிய நிறுவனங்கள் தங்களின் பதிவை புதுப்பித்த நிலையில் சீனாவின் தடை அறிவிப்பால் பாதிக்கப்பட்டுள்ளதாகவும், சீனாவின் இந்த நடவடிக்கை தைவானுக்கு பொருளாதார ரீதியில் பெரும் பின்னடைவாக இருக்கும் என கருதப்படுகிறது.