காஸா மீது இஸ்ரேல் தாக்குதல்: 12 பேர் பலி

காஸா மீது இஸ்ரேல் ராணுவம் நடத்திய வான்வழித் தாக்குதலில் 12 பேர் பலியாகினர். 20 பேர் காயமடைந்தனர். 

உள்ளூர் நேரப்படி செவ்வாய்க்கிழமை அதிகாலை 2 மணியளவில் இந்த தாக்குதல் நடத்தப்பட்டது. காஸா குடியிருப்புகளைக் குறிவைத்து தாக்குதல் நடத்தியதில் பெண்கள், குழந்தை உள்பட 12 பேர் பலியாகியுள்ளனர். 

படிக்க: மணிப்பூரில் சிக்கியுள்ள தமிழர்களை மீட்க நடவடிக்கை: முதல்வர் 

பாலஸ்தீனிய இஸ்லாமிய ஜிஹாத் இயக்கத்தினரை குறிவைத்து இத்தாக்குதல் நடத்தப்பட்டுள்ளது. இந்த தாக்குதலில் ஜிஹாத் இயக்கத்தின் மூத்த உறுப்பினர் மூவர் கொல்லப்பட்டதாக தகவல்கள் வெளியாகியுள்ளது.