செய்தி மடல்
இ-பேப்பர்
ரஷியாவுக்கு உதவும் வகையில் 6 ஆயிரம் ராணுவ பொறியாளர்களை அனுப்ப வட கொரியா திட்டமிட்டுள்ளதாகத் தகவல் வெளியாகியுள்ளது.
இது தொடர்பாக அதிபர் கிம் ஜாங் உன்னிடம் பேச்சுவார்த்தை நடத்த ரஷியாவின் பாதுகாப்பு கவுன்சில் செயலாளர் செர்கெய் ஷோய்கு, வட கொரியாவின் பயோங்யாங் பகுதிக்கு வருகை புரிந்துள்ளார்.
வட கொரியா அனுப்பும் ராணுவ பொறியாளர்களில் 5 ஆயிரம் பேர் ரஷியாவின் குர்ஸ்க் மாகாணத்தில் கட்டுமானப் பணிகளை மேற்கொள்ளவுள்ளனர். மேலும் ஆயிரம் பேர் சாலை மற்றும் பாலங்களை சீரமைக்கும் பணிகளில் ஈடுபடுத்தப்படவுள்ளனர்.
இதனிடையே மாஸ்கோவில் இருந்து ரஷியாவின் பாதுகாப்பு கவுன்சில் செயலாளர் செர்கெய் ஷோய்கு, கடந்த இரு வாரங்களில் இரண்டாவது முறையாக அதிபர் கிம் ஜாங் உன்னை சந்தித்துப் பேசியுள்ளார்.
ஜூன் மாத தொடக்கத்தில் வட கொரியாவுக்குச் சென்று கிம் ஜாங் உன்னை சந்தித்த நிலையில், தற்போது இரண்டாவது முறையாக அவரை செர்கெய் சந்தித்துள்ளார்.
இந்த இரு சந்திப்புகளின்போதும் கொரிய தீபகற்பத்தில் நிலவும் பிரச்னைகள் குறித்து இருவரும் விவாதித்ததாகத் தெரிகிறது.
ரஷியா - வட கொரியா இடையே கடந்த ஆண்டு மேற்கொள்ளப்பட்ட ராணுவ பாதுகாப்பு ஒப்பந்தத்தின் தொடர்ச்சியாக, தற்போது ராணுவ பொறியாளர்கள் அனுப்பிவைக்கப்படவுள்ளதாக ரஷிய செய்தி நிறுவனங்கள் தெரிவிக்கின்றன.
இதையும் படிக்க | இஸ்ரேல் - ஈரான் சண்டையால் பெட்ரோல் தட்டுப்பாடு வருமா?
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.