ரூ. 51,500 கோடி நன்கொடை அளித்த தொழிலதிபர் வாரன் பஃபெட்!
தொழிலதிபர் வாரன் பஃபெட் ரூ. 51,500 கோடி நன்கொடை அளித்தது பற்றி...

வாரன் பஃபெட் - AP
உலகின் முன்னணி முதலீட்டாளரும் அமெரிக்க தொழிலதிபருமான வாரன் பஃபெட், ரூ. 51,500 கோடி மதிப்பிலான பங்குகளை நான்கு அறக்கட்டளைகளுக்கு நன்கொடையாக வழங்கியுள்ளார்.
96 வயதான வாரன் பஃபெட், பொ்க்ஷைா் ஹாத்வே நிறுவனத்தில் உள்ள 6,150 கிளாஸ் ஏ பங்குகளை 92,25,000 கிளாஸ் பி பங்குகளாக மாற்றி, அவற்றில் 36,90,000 பங்குகளை சூசன் தாம்சன் பஃபெட் அறக்கட்டளைக்கும், தனது மூன்று பிள்ளைகளான சூசி, ஹோவர்ட் மற்றும் பீட்டர் பஃபெட் ஆகியோரால் நடத்தப்படும் ஷெர்வுட் அறக்கட்டளை, ஹோவர்ட் ஜி. பஃபெட் அறக்கட்டளை மற்றும் நோவோ அறக்கட்டளை ஆகியவற்றுக்கு தலா 18,45,000 பங்குகளையும் வழங்கினார்.
இந்த நன்கொடைகளுக்குப் பிறகு, பொ்க்ஷைா் ஹாத்வேவின் கௌரவத் தலைவராக இருக்கும் வாரன் பஃபெட்டுக்கு இன்னும் 1,82,140 கிளாஸ் ஏ பங்குகளை வைத்திருக்கிறார். அதன் மதிப்பு சுமார் 162 பில்லியன் டாலர் (ரூ. 151 லட்சம் கோடி) ஆகும்.
பஃபெட்டின் நன்கொடைகள்
ஃபோர்ப்ஸின் 2026 ஆம் ஆண்டுக்கான அமெரிக்காவின் மிகப்பெரிய டாப் 25 நன்கொடையாளர்கள் பட்டியலில் வாரன் பஃபெட் முதலிடத்தில் உள்ளார்.
2025 ஆம் ஆண்டின் இறுதிக்குள், பஃபெட் தனது மொத்த நிகர சொத்து மதிப்பில் 32 சதவிகிதமான 68.3 பில்லியன் டாலர்களை (இந்திய மதிப்பின்படி ரூ. 6.39 லட்சம் கோடி) பல்வேறு நற்பணிகளுக்காக நன்கொடையாக வழங்கியிருந்தார். தற்போது வழங்கியுள்ள நன்கொடை தொகை இத்துடன் சேர்க்கப்படவில்லை.
Summary
Businessman Warren Buffett has donated Rs 51,500 crore!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.


