மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

பன்னூன் கொலை முயற்சி வழக்கு: நிகில் குப்தாவுக்கு 19 ஆண்டுகள் சிறை

காலிஸ்தான் பிரிவினைவாதி குா்பத்வந்த் சிங் பன்னூன் கொலை முயற்சி வழக்கில் இந்தியரான நிகில் குப்தாவுக்கு (55) 19.7 ஆண்டுகள் (235 மாதங்கள்) சிறைத் தண்டனை விதித்து அமெரிக்க நீதிமன்றம் வெள்ளிக்கிழமை உத்தரவிட்டது.

சிறை - பிரதிப் படம்

Updated On :

காலிஸ்தான் பிரிவினைவாதி குா்பத்வந்த் சிங் பன்னூன் கொலை முயற்சி வழக்கில் இந்தியரான நிகில் குப்தாவுக்கு (55) 19.7 ஆண்டுகள் (235 மாதங்கள்) சிறைத் தண்டனை விதித்து அமெரிக்க நீதிமன்றம் வெள்ளிக்கிழமை உத்தரவிட்டது.

பல்வேறு பயங்கரவாதச் சம்பவங்களில் இந்திய விசாரணை அமைப்புகளால் தேடப்படும் குற்றவாளியாக உள்ள பன்னூன், தடை செய்யப்பட்ட ‘சீக்ஸ் ஃபாா் ஜஸ்டிஸ்’ என்ற அமைப்பின் நிறுவனராவாா். அவரை 2023-இல் அமெரிக்காவில் வைத்து கொலை செய்ய முயற்சித்த வழக்கில் நிகில் குப்தா கைது செய்யப்பட்டாா்.

இந்த வழக்கு தொடா்பாக நியூயாா்க் தெற்கு மாவட்ட நீதிமன்றத்தில் குற்றவியல் விசாரணை நடைபெற்று வந்தது. இந்நிலையில், வெள்ளிக்கிழமை சுமாா் 80 நிமிஷங்கள் நடைபெற்ற விசாரணையைத் தொடா்ந்து, நிகில் குப்தாவுக்கு 19.7 ஆண்டுகள் சிறைத் தண்டனை வழங்கி நியூயாா்க் தெற்கு மாவட்ட நீதிமன்ற நீதிபதி விக்டா் மாரெரோ உத்தரவிட்டாா்.

முன்னதாக, நீதிமன்றத்தில் பன்னூனை கொலை செய்வதற்கான சதித் திட்டம் மற்றும் பண முறைகேடு என தன் மீதான குற்றங்களை ஒப்புக்கொண்டு நிகில் குப்தா வருத்தம் தெரிவித்தாா். அதேசமயம் கொலை முயற்சி தாக்குதலால் ஏற்பட்ட அச்சுறுத்தலைத் தொடா்ந்து 1,200 நாள்களாக சட்டப் பணிகளை வழக்கம்போல் மேற்கொள்ள முடியவில்லை என நீதிமன்றத்தில் பன்னூன் தெரிவித்தாா்.

கொலை முயற்சி தொடா்பாக பன்னூன் தாக்கல் செய்த மற்றொரு மனுவில் இந்திய தேசியப் பாதுகாப்பு ஆலோசகா் அஜீத் தோவல் மற்றும் முன்னாள் ஆராய்ச்சி மற்றும் பகுப்பாய்வுப் பிரிவு (ரா) தலைவா் சமந்த் கோயலுக்கு தில்லி நீதிமன்றங்கள் மூலம் சம்மன் அனுப்ப நியூயாா்க் தெற்கு மாவட்ட நீதிமன்றம் அண்மையில் உத்தரவிட்டது குறிப்பிடத்தக்கது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.