முதல்வர் விஜய் ஒரு போலி பெரியாரிஸ்ட்: உதயநிதி ஸ்டாலின் விமர்சனம்!போதைப்பொருள்களுக்கும் வன்கொடுமைகளுக்கும் நடுவேதான் போட்டி: மு.க. ஸ்டாலின்ஃபேஷனுக்காக பெரியாரை கொள்கைத் தலைவராக வைத்துள்ளது தவெக! ஜோசியத்தை நம்பியே ஆட்சி! மு.க. ஸ்டாலின்ஷேக் ஹசீனா கட்சியினருக்கு எதிராக வன்முறை! 30 வீடுகளுக்குத் தீவைப்பு!ஐஐடி மாணவர்களுக்கு இணையான அங்கீகாரம் ஐடிஐ மாணவர்களுக்கு கிடைக்கும்: மோடிகள்ளக்குறிச்சி எம்எல்ஏ விவகாரத்தில் இன்னும் எதற்காக மௌனம் காக்கிறார் முதல்வர்? டிடிவி தினகரன் கேள்வி தங்கம் விலை சரிவு; வணிகர்களை நஷ்டத்தில் இருந்து காப்பாற்றிய பிரதமர் மோடி: பாஜக பெருமிதம்! தவெக ஆட்சியில் டெல்டா விவசாயிகள் கடுமையாகப் பாதிக்கப்பட்டுள்ளனர்: எடப்பாடி பழனிசாமி வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்!

புதைபடிவ எரிபொருள் விவகார முரண்பாடு: ஒப்பந்தமின்றி முடிந்த பருவநிலை மாநாடு

புதைபடிவ எரிபொருள் விவகார முரண்பாடு: ஒப்பந்தமின்றி முடிந்த பருவநிலை மாநாடு

AP

Updated On :

புதைபடிவ எரிபொருள் விவகாரத்தில் ஒருமித்த உடன்பாடு எட்டப்படாததையடுத்து, துருக்கியில் நடைபெற்ற ஐ.நா. பருவநிலை உச்சிமாநாடு-31 ஒப்பந்தமின்றி நிறைவடைந்தது.

துருக்கி-ஆஸ்திரேலியா இணைத் தலைமையேற்று நடத்திய இந்த மாநாடு துருக்கியின் அன்டாலியா நகரில் நவ.9-ஆம் தேதி தொடங்கி நவ.22-ஆம் தேதி வரை நடைபெற்றது. பருவநிலை மாற்றத்தால் ஏற்படக்கூடிய பாதிப்புகளை எதிா்கொள்வது, புதைபடிவ எரிபொருளுக்கு மாற்றான பிற முன்னெடுப்புகளை மேற்கொள்வது உள்ளிட்ட பருவநிலை சாா்ந்த நடவடிக்கைகள் தொடா்பான பேச்சுவாா்த்தைகள் நடத்தும் முக்கியத்துவம் வாய்ந்ததாக ஐ.நா. பருவநிலை உச்சிமாநாடு விளங்குகிறது. ஆண்டுதோறும் நடைபெறும் இந்த மாநாட்டில் முன்மொழியப்படும் விவகாரங்கள் உறுப்பு நாடுகளால் ஒருமித்த நிலைப்பாடுடன் ஏற்றுக்கொள்வது வழக்கம்.

ஆனால், புவி வெப்பமயமடைவதற்கு முக்கிய காரணமாக விளங்கும் புதைபடிவ எரிபொருள் குறித்த தகவல்களின்றி பருவநிலை உச்சிமாநாடு-31-இன் இறுதி முன்மொழிவை துருக்கி-ஆஸ்திரேலியா இணைந்து வெளியிட்டதாகக் கூறி அதை 27 உறுப்பு நாடுகளைக் கொண்ட ஐரோப்பிய யூனியன் மற்றும் மேலும் சில நாடுகள் ஏற்க மறுத்துவிட்டன.

இறுதி முன்மொழிவு ஆவணத்தில் புதைபடிவ எரிபொருள்கள் குறித்த தகவல்கள் இடம்பெறக்கூடாது என ரஷியாவும் சவூதி அரேபியாவும் அளித்த அழுத்தத்தால் துருக்கி-ஆஸ்திரேலியாஅதை குறிப்பிடவில்லை. இதனால் இந்த மாநாடு முக்கிய ஒப்பந்தங்கள் ஏதுமின்றி ஞாயிற்றுக்கிழமை நிறைவடைந்தது.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.